«وتباسى بانككە» رەسمي مارتەبە بەرىلەدى

استانا. KAZINFORM - «وتباسى بانككە» ۇلتتىق دامۋ ينستيتۋتى مارتەبەسى بەرىلەدى. ونەركاسىپ جانە قۇرىلىس مينيسترلىگى وسىنداي ۇكىمەت قاۋلىسىنىڭ جوباسىن جاريالادى.

«30 - قازاندا ق ر پارلامەنتىنىڭ ءماجىلىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي ساياساتىن رەفورمالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قابىلدادى. زاڭ جوباسى اياسىندا وتباسى بانكىنە ازاماتتاردى ەسەپكە قويۋ جانە ونى جۇرگىزۋ، سونداي-اق تۇرعىن ءۇيدى ءبولۋ جونىندەگى جەرگىلىكتى اتقارۋشى ورگانداردىڭ فۋنكسيالارىن بەرە وتىرىپ، ۇلتتىق دامۋ ينستيتۋتى مارتەبەسىن بەرۋ ۇسىنىلادى»، - دەپ جازىلعان قۇجاتتىڭ تۇسىندىرمە جازباسىندا.

زاڭناماداعى وزگەرىستى ىسكە اسىرۋ ءۇشىن مينيسترلىك «وتباسى بانك «تۇرعىن ءۇي قۇرىلىس جيناق بانكى» اكسيونەرلىك قوعامىنا ۇلتتىق دامۋ ينستيتۋتى مارتەبەسىن بەرۋدى ۇسىنىپ وتىر.

ەسكە سالايىق، اتالعان زاڭ جوباسى بويىنشا باسپانا كەزەگىنە قويۋ، كەزەكتىڭ ساقتالۋىن قاداعالاۋ، كەزەكتەگىلەرگە تۇرعىن ءۇي ۇيلەستىرۋ جۇمىستارى «وتباسى بانك» پەن سونىڭ جانىنان قۇرىلاتىن تۇرعىن ۇيمەن قامتۋ ورتالىعىنا بەرىلەدى.

قۇجاتتى ءماجىلىس سەنات ۇسىنعان وزگەرىستەرمەن بىرگە قابىلداپ، پرەزيدەنتكە جولداعان بولاتىن.

اۆتور

ەسىمجان ناقتىباي