وتاندىق ءونىمدى وڭدەۋ جانە قىتايعا ەكسپورتتاۋ بويىنشا ەڭ ءىرى ورتالىق قۇرىلىپ جاتىر
استانا. قازاقپارات - سولتۇستىك قازاقستان وبلىسىنا ەكى كۇندىك جۇمىس ساپارى اياسىندا پرەمەر-ءمينيستردىڭ ورىنباسارى سەرىك جۇمانعارين ەگىن جيناۋ ناۋقانى بارىسىمەن تانىسىپ، ءىرى اگرارلىق كاسىپورىنداردىڭ باسشىلارىمەن كەزدەستى.
سولتۇستىك قازاقستان وبلىسى ەگىس القابى 4,4 ميلليون گ ا نەگىزگى استىق ەگەتىن وڭىرلەردىڭ ءبىرى جانە قۋاتتى اۋىل شارۋاشىلىعى قۇرىلىمدارىن قۇرۋ جانە قولداۋ بويىنشا ەلىمىزدەگى ەڭ وزىق ايماق سانالادى. تاۋارلى-ءسۇت فەرمالارىن، قۇس فابريكالارىن جانە سۋارۋ جوبالارىن سالۋدى جەڭىلدەتىلگەن نەسيەلەندىرۋدىڭ ءساتتى تاجىريبەسى باسقا وڭىرلەردە ەكىنشى جىل قاتارىنان كەڭەيىپ كەلەدى. ءسۇت باعىتى ءوڭىردىڭ جالپى وڭدەۋ كولەمىندە %35 ۇلەستى الادى، سونداي-اق استىق وڭدەۋ (19)، ماي وڭدەۋ (6,5)، ەت وڭدەۋ (7 پايىز) سالالارى دامىعان.
تايىنشا اۋدانىندا قىتاي ينۆەستورلارىنىڭ قاتىسۋىمەن ءداندى داقىلدار («Меmolux» ج ش س) مەن مايلى داقىلداردى («تايىنشا ماي» ج ش س) وڭدەۋ بويىنشا ءىرى كلاستەر سالىندى. ايماق اۋىلىندا تاۋلىگىنە 300 توننا ۇن شىعاراتىن ديىرمەن كەشەنى مەن جىلىنا 300 مىڭ توننانى قۇرايتىن جەم زاۋىتى ىسكە قوسىلدى. قۋاتتى ۇلعايتۋ جانە ماكارون ونىمدەرىن ءوندىرۋ سەحىنىڭ قۇرىلىسى جۇرگىزىلۋدە. كورشى يليچيەۆكا اۋىلىندا تازارتىلماعان راپس پەن كۇنباعىس مايى مەن كۇنجارا وندىرەتىن زاۋىت سالىندى.
بۇگىندە «تايىنشا ماي» ج ش س مەن «Меmolux» ج ش س وڭىردەگى قىتايعا ەكسپورتقا باعىتتالعان ەڭ ءىرى اگرارلىق جوبا. قىتايلىق ينۆەستور، «شيان اي جيۋ» كورپوراتسياسىنىڭ پرەزيدەنتى، الاتاۋ ت/ج ستانساسىندا ساقتاۋ كولەمى 100 مىڭ توننالىق بوند قويماسىنا يەلىك ەتەدى. كاسىپورىننىڭ شياندا (ق ح ر) 1 مىڭنان استام دۇكەنى بار جانە قازاقستاندىق كونديتەرلىك ونىمدەر، سىرا، بالمۇزداق جانە باسقا دا ازىق- تۇلىك ونىمدەرىن ەكسپورتتاۋمەن اينالىسادى. كورپوراتسيا سياندا لوگيستيكا جانە اۋىلشارۋاشىلىق ونىمدەرىن قايتا وڭدەۋ پاركىن سالدى. تاياۋ بولاشاققا ارنالعان جوسپاردا - قازاقستاندىق ءونىمدى قىتايعا جەتكىزۋ ءۇشىن س ق و- دا ۇقساس كاسىپورىن قۇرۋ جوسپارى بار.
«ءبىزدىڭ استىق ۇنتاقتاۋ تەحنولوگيامىز ەڭ وزىق تەحنولوگيانىڭ ءبىرى سانالادى. ءبىز ۇندى وتە تومەن تەمپەراتۋرادا 15 رەت تارتامىز، بۇل ونىڭ بارلىق پايدالى قاسيەتتەرىن ساقتاۋعا مۇمكىندىك بەرەدى»، - دەپ اتاپ ءوتتى قىتايدىڭ «شيان اي جيۋ» كورپوراتسياسىنىڭ پرەزيدەنتى جيا حەي.
كاسىپورىننىڭ سولتۇستىك قازاقستاندا لوگيستيكالىق ورتالىق سالۋ جوسپارىن ەسكەرە وتىرىپ، سەرىك جۇمانعارين قىتايعا جەتكىزۋ ءۇشىن قازاقستاندىق وندىرۋشىلەردىڭ ونىمدەرىن بىرىكتىرۋ مۇمكىندىگىن قاراستىرۋدى ۇسىندى. جيا حۋي بۇل ۇسىنىستى قولداپ، س ق و-دا قايتا وڭدەۋ جانە لوگيستيكا ورتالىعىن قۇرۋ ارقىلى قىتايعا ءونىم ەكسپورتتايتىن قازاقستانداعى ەڭ ءىرى كومپانيا بولۋدى جوسپارلاپ وتىرعانىن جەتكىزدى.
سونداي-اق ۆيتسە-پرەمەر شوشقا مەن ءىرى قارا مال سويۋ سەحىنان باستاپ قالدىقسىز وڭدەۋگە دەيىنگى تەرەڭ سيكلدى ەت وڭدەۋدىڭ تولىق پروتسەسىن جۇزەگە اسىراتىن «ЕМС Аgro» ج ش س ەت كومبيناتىنا باردى. قازىرگى ۋاقىتتا شوشقا كەشەنى قۋاتىن 200 مىڭ باسقا دەيىن 2 ەسە كەڭەيتۋدە. بىلتىر 10 مىڭ تونناعا جۋىق شوشقا ەتى، سيىر ەتى، جارتىلاي فابريكاتتار، شۇجىق ونىمدەرى ءوندىرىلدى. جوبالىق قۋاتىنا شىققان كەزدە شوشقا ەتىن ءوندىرۋ كولەمى 20 مىڭ تونناعا دەيىن ۇلعايادى، كاسىپورىن قازاقستانداعى ەڭ ءىرى شوشقا كەشەنى بولادى. كاسىپورىننىڭ ودان ءارى دامۋى قىتايعا شوشقا ەكسپورتىنىڭ قايتا اشىلۋىنا بايلانىستى.
اۆتور
ابىلايحان جۇماشيەۆ
