ولجاس بەكتەنوۆ جاڭا ادىلەت مينيسترىنە ءبىرقاتار تاپسىرما بەردى
استانا. KAZINFORM - پرەمەر-مينيستر ولجاس بەكتەنوۆ ادىلەت مينيسترلىگىنىڭ ۇجىمىنا جاڭا مينيستر ەرلان سارسەنبايەۆتى تانىستىردى.
پرەمەر-مينيستر ازامات ەسقارايەۆقا مينيستر قىزمەتىندە اتقارعان جۇمىسى ءۇشىن العىسىن ءبىلدىرىپ، ارى قارايعى كاسىبي قىزمەتىندە تابىس تىلەدى.
ەرلان سارسەمبايەۆتى تانىستىرۋ بارىسىندا پرەمەر-مينيستر مەملەكەت باسشىسىنىڭ ەلىمىزدىڭ قۇقىقتىق جۇيەسىن نىعايتۋ، «زاڭ مەن ءتارتىپ» قاعيداتىن ەنگىزۋ بويىنشا ادىلەت مينيسترلىگى ۇجىمىنىڭ الدىنا قويعان ءبىرقاتار مىندەتتەردى اتاپ ءوتتى.
ولجاس بەكتەنوۆ پرەزيدەنت بەلگىلەگەن ماقساتتارعا قول جەتكىزۋ شەڭبەرىندەگى ۇكىمەتتىڭ جۇمىسى تۇراقتى ءارى ساپالى زاڭنامالىق سۇيەمەلدەۋدى تالاپ ەتەتىنىنە توقتالدى.
پارلامەنتپەن ءوزارا تىعىز ءىس-قيمىل جۇرگىزۋ، ازاماتتارعا كورسەتىلەتىن زاڭ قىزمەتتەرىنىڭ ساپاسىن ودان ءارى ارتتىرۋدى قامتاماسىز ەتۋ، نوتاريات جانە ادۆوكاتۋرا ينستيتۋتتارىن جەتىلدىرۋ قاجەتتىلىگى ناقتىلاندى.
سونىمەن قاتار حالىقارالىق ارەنادا قازاقستاننىڭ مۇددەلەرىن قورعاۋ جونىندە ءبىرقاتار تاپسىرما بەرىلدى.
ەرلان سارسەمبايەۆ ادىلەت ءمينيسترى بولىپ تاعايىندالعانىن جازعان بولاتىنبىز.
ەلميرا ورالبايەۆا
اۆتور
