ولجاس بەكتەنوۆ: ازاماتتاردىڭ تابىسىن ارتتىرۋ - ۇكىمەتتىڭ باستى ماقساتى

استانا. KAZINFORM - ازاماتتاردىڭ تابىس دەڭگەيىن ارتتىرۋ ۇكىمەت جۇمىسىنىڭ وزگەرمەيتىن باستى ماقساتى. بۇل تۋرالى ۇكىمەت وتىرىسىندا پرەمەر- مينيستر ولجاس بەكتەنوۆ ايتتى.

«مەملەكەت باسشىسىنىڭ جولداۋى ۇكىمەت پەن بۇكىل قازاقستان قوعامى ءۇشىن ستراتەگيالىق باعدار بولىپ تابىلادى. جولداۋ بىزگە تاياۋ مەرزىمگە ارنالعان ماقسات- مىندەتتەرمەن قاتار نىسانالى كورسەتكىشتەرى جانە ينديكاتورلارى بەلگىلەنگەن ناقتى ءىس- قيمىل الگوريتمىن ايقىنداپ بەردى. ءاربىر تارماقتىڭ ورىندالۋى قاتاڭ باقىلاۋدا بولادى. بۇل رەتتە قورىتىندى ناتيجەگە، ونىڭ ەكونوميكاعا تيىمدىلىگىنە باسا نازار اۋدارىلادى. ازاماتتاردىڭ تابىس دەڭگەيىن ارتتىرۋ ۇكىمەت جۇمىسىنىڭ وزگەرمەيتىن باستى ماقساتى»، - دەدى ۇكىمەت باسشىسى.

ولجاس بەكتەنوۆتىڭ اتاپ وتۋىنشە، كاسىپكەرلىكتى دامىتۋ، حالىقتى جۇمىسپەن قامتۋ ءۇشىن قولايلى جاعدايلار جاساۋ جانە مەملەكەتتىك بيۋدجەتتى ۇتىمدى ءبولۋ ايتارلىقتاي ەكونوميكالىق ورلەۋگە قول جەتكىزۋگە مۇمكىندىك بەرەدى.

«بۇل رەتتە مەملەكەت باسشىسى اتاپ وتكەندەي، «ەكونوميكا وسكەن سايىن الەۋمەتتىك تەڭسىزدىك ازايىپ، ورتا تاپ كۇشەيە ءتۇسۋى كەرەك». پرەزيدەنت ەكونوميكانىڭ ناقتى سەكتورىن دامىتۋعا ەرەكشە توقتالىپ ءوتتى. بۇل ونەركاسىپ، ەنەرگەتيكا، گاز سالاسى، كولىك كەشەنى، ەكولوگيا جانە سيفرلاندىرۋ ماسەلەلەرىن قامتيدى»، - دەدى پرەمەر- مينيستر.

اۆتور

مارلان جيەمباي