تەرى مەن ءجۇن وڭدەۋ سالاسىنا 5 ميلليارد تەڭگە كولەمىندە ينۆەستيتسيا بولىنەدى
استانا. قازاقپارات – ەلىمىزدە الداعى 3 جىلدا تەرى مەن ءجۇندى وڭدەۋگە 5 ميلليارد تەڭگە كولەمىندە ينۆەستيتسيا تارتىلماق. 2024-2028 -جىلدارعا ارنالعان اۋىلشارۋاشىلىق ونىمدەرىن وڭدەۋدى دامىتۋ جونىندەگى كەشەندى جوسپارعا سايكەس، 6 جوبا جۇزەگە اسىرىلادى.
ولار شيكىزاتتى سۋبسيديالاۋ، ارزان نەسيە بەرۋ، وڭدەۋ كاسىپورىندارىن قولداۋ جانە ەكسپورتتى ىنتالاندىرۋ باعىتىندا ىسكە قوسىلماق. بۇل تۋرالى بۇگىن ۇكىمەت باسشىسى مالىمدەدى.
ونىڭ ايتۋىنشا تەرىنى باستاپقى وڭدەۋ كاسىپورىندارى ءۇشىن قۇرىلىس كەزىندە سۋبسيديا سوماسى 661 ميلليون تەڭگەگە دەيىن، كەڭەيتۋ كەزىندە - 300 ميلليون تەڭگەگە دەيىن بەرىلەدى. وڭدەۋ قۋاتى تاۋلىگىنە مىڭ كيللوگرام ءجۇن جانە 2 مىڭنان 5 مىڭعا دەيىن تەرى وڭدەۋگە ارنالعان نىسانداردىڭ قۇرىلىسىن سالۋ جوسپارلانىپ وتىر. بۇدان بولەك، كەشەندى جوسپار اياسىندا وڭدەۋگە وتكىزىلگەن شيكىزات كولەمى ءۇشىن دە فەرمەرلەرگە سۋبسيديا كوزدەلگەن. الداعى 3 جىلدا وڭىرلەردە 200-گە جۋىق مال تەرىسىن قابىلداۋ پۋنكتتەرى اشىلادى.
24.kz
