تۇراقتاندىرۋ قورىنداعى ازىق-تۇلىك تاۋارلارى سۋ تاسقىنىنان زارداپ شەككەن جوق - ق ر ا ش م

азық
Фото: primeminister.kz.

استانا. قازاقپارات- 1-ساۋىردە مەملەكەت باسشىسىنىڭ تاپسىرماسى بويىنشا ۆيتسە- پرەمەر سەرىك جۇمانعارين كوكتەمگى تاسقىن سۋدان زارداپ شەككەن وڭىرلەردىڭ اكىمدىكتەرىمەن، ا ءو ك سەكتورىنىڭ قارجى ينستيتۋتتارىمەن، «اتامەكەن» ۇ ك پ جانە سالالىق مەملەكەتتىك ورگاندارمەن جەدەل كەڭەس وتكىزدى، دەپ حابارلادى primeminister.kz.

اۋىل شارۋاشىلىعى مينيسترلىگىنىڭ قازىرگى دەرەكتەرى بويىنشا، ەرىگەن سۋدان زارداپ شەككەن اقتوبە، پاۆلودار، اقمولا، قاراعاندى، قوستاناي جانە اباي وبلىستارىنداعى تۇراقتاندىرۋ قورلارىندا بۇگىندە 63,4 مىڭ توننا ازىق- تۇلىك بار. بارلىق ءونىم قۇرعاق جەردە ساقتالادى جانە تاسقىن سۋدان زاقىم كەلگەن جوق. باسقا وڭىرلەردىڭ تۇراقتاندىرۋ قورلارىندا شامامەن 110 مىڭ توننا ازىق- تۇلىك قورى بار جانە قاجەت بولعان جاعدايدا ول قور زارداپ شەككەن وڭىرلەرگە جەدەل جونەلتىلۋى مۇمكىن.

«فەرمەرلەرگە كومەك كورسەتۋگە كەلەر بولساق، بۇگىنگى تاڭدا سۋ تاسقىنىنان زارداپ شەككەن اۋىل شارۋاشىلىعى داقىلدارى (كۇزدىك داقىلدار، جىلىجايلار، باقشالار) تۋرالى اقپارات جوق. ەگەر ەگىس ماۋسىمىنىڭ باسىندا سۋ شايعان ۋچاسكەلەر انىقتالسا، ەگىس القاپتارى داقىلداردى ەگۋ جانە ءارتاراپتاندىرۋ ارقىلى قالپىنا كەلتىرىلەدى. توتەنشە جاعداي رەجيمى جاريالانعان وڭىرلەردىڭ فەرمەرلەرى ءۇشىن شىعىنداردى راستاۋ كەزىندە كرەديتتەردى 24 ايعا دەيىن ۇزارتۋ جانە پايىزدىق مولشەرلەمەنى سۋبسيديالاۋ كوزدەلگەن. اگرارلىق نەسيە كورپوراتسياسىندا بۇل مەحانيزم جولعا قويىلعان. اكىمدىكتەر سۋ تاسقىنى سالدارىنان ەگىس جۇمىستارىن ۋاقىتىندا باستاي المايتىنداردى نەمەسە شىعىنعا ۇشىراعانداردى جەدەل ەسەپكە الۋى قاجەت»، - دەپ مالىمدەدى اۋىل شارۋاشىلىعى ۆيتسە- ءمينيسترى ەربول تاسجۇرەكوۆ.

سەرىك جۇمانعارين زارداپ شەككەن وڭىرلەردىڭ باسشىلارىن تىڭداپ، دۇكەندەر مەن ساۋدا ورىندارىنىڭ جۇمىسىن بارىنشا تەز قالپىنا كەلتىرۋگە جانە ازىق- تۇلىك قورلارىن قاجەتتى كولەمدە شەكتەۋدەن شىعارۋعا نازار اۋدارۋ قاجەتتىگىن باسا ايتتى. سونداي- اق پرەمەر- ءمينيستردىڭ ورىنباسارى «ازىق- تۇلىك كورپوراتسياسى» ا ق- عا وڭىرلەردى اۋىل شارۋاشىلىعى جانۋارلارى ءۇشىن ازىقپەن قامتاماسىز ەتۋ ماسەلەلەرىن جىلدام جانە بيۋروكراتياسىز پىسىقتاۋدى تاپسىردى.

اۆتور

ەلميرا ورالبايەۆا

سوڭعى جاڭالىقتار