تەڭگە نەگە قۇلدىراپ بارادى: تيمۋر سۇلەيمەنوۆتىڭ جاۋابى

ۇلتتىق بانكتىڭ ءتوراعاسى تيمۋر سۇلەيمەنوۆ كەيىنگى ۋاقىتتا تەڭگەنىڭ دوللارعا شاققانداعى قۇنىنىڭ السىرەۋىن ءتۇسىندىردى، دەپ حابارلايدى قازاقپارات.

تيمۋر سۇلەيمەنوۆ جاھاندىق ينۆەستورلارمەن كەزدەسىپ، ونىڭ بارىسىندا قازىرگى ەكونوميكالىق جاعداي، جۇرگىزىلىپ جاتقان مونەتارلىق ساياساتتىڭ نەگىزگى باعىتتارى مەن الداعى سىن- تەگەۋرىندەر ماسەلەسى كوتەرىلگەن.

سونداي- اق ۇ ب باسشىسى تەڭگە باعامىنىڭ سوڭعى ەكى اپتاداعى السىرەۋىنە قاتىستى سۇراققا جاۋاپ بەرگەن. ايتۋىنشا، بۇعان بىرنەشە فاكتوردىڭ ءبىر مەزەتتە قوسارلانۋى سەبەپ بولعان، ولار: ا ق ش دوللارىنىڭ جاھاندىق دەڭگەيدە كۇشەيۋى (دامىعان ەلدەردىڭ ۆاليۋتالار قورجىنىنا قاتىستى ا ق ش دوللارىنىڭ يندەكسى قىركۇيەكتە % 2,5 ارتتى)، يمپورتتاۋشىلار تاراپىنان ماۋسىمدىق سۇرانىستىڭ ارتۋى، بازالىق مولشەرلەمەنى تومەندەتۋ بويىنشا قابىلدانعان شەشىم ۇكىمەتتىڭ كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى مىندەتتى تۇردە ساتۋ تۋرالى نورمانى قولدانۋىنىڭ توقتاتۋى. وسى فاكتورلاردىڭ جيىنتىعى تەڭگە باعامىنىڭ قىسقامەرزىمدى السىرەۋىنە اكەلدى. ماڭىزدى فاكتورلار تۇرعىسىنان الىپ قاراعاندا، مۇناي باعاسىنىڭ ءوسىمى مەن تولەم بالانسىنىڭ جالپى جاعدايى تۇراقتاندىرۋشى اسەرگە يە بولىپ، ۇزاق مەرزىمدە تەڭگەگە قولداۋ كورسەتەدى.

بۇدان بولەك، جيىن بارىسىندا تيمۋر سۇلەيمەنوۆ ۇلتتىق بانك باعا تۇراقتىلىعىن قامتاماسىز ەتۋدە ءوزىنىڭ نەگىزگى مانداتىنان اۋىتقىمايتىنىن ايتتى.

«ۇلتتىق بانكتىڭ نەگىزگى مىندەتى - پروينفلياتسيالىق قىسىمدى جۇمسارتۋ جانە ينفلياتسيانى ورتامەرزىمدى ماقساتقا جاقىن % 5 دەڭگەيىندە تۇراقتاندىرۋ. بارلىق كۇش- جىگەر وسى ماقساتقا جەتۋگە باعىتتالادى. الايدا، تەڭگەنىڭ ايىرباس باعامى ەركىن وزگەرمەلى قالپىندا قالا بەرەدى. سوندا عانا ەكونوميكا كەز كەلگەن وزگەرىستەرگە تەز بەيىمدەلەتىن بولادى»، - دەدى ول.

ءمالىم ەتىلگەندەي، اقشا- كرەديت ساياساتىنىڭ بۇدان ارعى باعىتى ۇلتتىق بانكتىڭ بۇعان دەيىنگى ارەكەتتەرى مەن اقپاراتتىق ساياساتىنا سايكەس بولادى. ناقتى ينفلياتسيانىڭ باسەڭدەۋ ءۇردىسى قارقىندى بولسا، بازالىق مولشەرلەمەنى قالىپتى ءتۇسىرۋ جالعاسادى. دەگەنمەن فيسكالدى ىنتالاندىرۋداعى الەۋەتتى ۇلعايۋ تاۋەكەلدەرى جانە ەكونوميكاداعى تۇراقتى سۇرانىس جاعدايىندا ينفلياتسيالىق كۇتۋلەردىڭ جوعارى دەڭگەيى ونى تومەندەۋ كەڭىستىگىن شەكتەۋى مۇمكىن.

ۇلتتىق بانك حابارلاماسىندا اتالىپ وتكەندەي، اقشا- كرەديت ساياساتى ادەتتەگىدەي اشىقتىققا، جۇيەلىلىككە، تۇسىنىكتى ءارى بولجامدى بولۋ قاعيداتتارىنا نەگىزدەلەتىن بولادى. بانك ىقتيمال اۋىتقۋلارعا دەر كەزىندە دەن قويۋ ءۇشىن جىلدىق ينفلياتسيانىڭ تارگەتكە كەلۋ تراەكتورياسىن قاداعالاپ وتىرادى.

ينۆەستورلارمەن بولعان ديالوگ كەزىندە ۇلتتىق بانك قىزمەتىنىڭ باسىم باعىتتارى رەتىندە باعا تۇراقتىلىعىن قامتاماسىز ەتۋدەن بولەك، مونەتارلىق جانە فيسكالدىق ساياساتتى ۇيلەستىرۋ، ىشكى قارجى نارىعىنىڭ تۇراقتى جۇمىس ىستەۋىن قامتاماسىز ەتۋ جانە ونى ودان ءارى قالىپتى دامىتۋ ىسىندە ۇكىمەتپەن ءتيىمدى جۇمىس جاسالعانى ايتىلدى.

ايتا كەتەيىك، بۇگىن اقشا ايىرباستاۋ پۋنكتەرىندە دوللار 482,77 تەڭگەگە دەيىن جەتتى.

اۆتور

گۇلميرا الياكپاروۆا