سىرتقى ىستەر مينيسترلىگى ەسەي شەكاراسىنداعى جاڭا تالاپتارعا قاتىستى پىكىر ءبىلدىردى
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەي تاراپىنان 30 -ماۋسىمنان باستاپ ەنگىزىلەتىن شەكارالىق باقىلاۋدىڭ جاڭا تالاپتارىنا قاتىستى پىكىر ءبىلدىردى، دەپ حابارلايدى Kazinform اگەنتتىگى.
- بارلىق مالىمەت رەسەيدەگى ەلشىلىگىمىزدىڭ سايتىندا جاريالانعان، سونداي-اق بۇل بىرنەشە رەت بۇقارالىق اقپارات قۇرالدارىندا دا جارىق كوردى. سوندىقتان رەسەيگە باراتىن ق ر ازاماتتارى شەكارادا ەشقانداي تۇسىنىسپەۋشىلىك بولماس ءۇشىن شەكارادان وتۋگە قاتىستى جاڭا تالاپتارمەن الدىن الا تانىسىپ شىعۋى قاجەت، - دەدى ايبەك سمادياروۆ ب ا ق وكىلدەرىنە ارنالعان بريفينگ بارىسىندا.
ب ا ق وكىلدەرى قازاقستان تاراپىنان بۇعان قارسى قانداي شارا قابىلداناتىنىن سۇرادى.
- بۇل ماسەلەنى ءبىز مۇقيات زەرتتەپ جاتىرمىز، ول ءۇشىن مەملەكەتتىك ورگاندارمەن كەڭەسۋ قاجەت. كەيىنىرەك ناقتى اقپارات بەرە الامىن. سونداي-اق، رەسەيمەن اراداعى ۆيزاسىز رەجيمنىڭ ساقتالاتىنىن اتاپ وتكىم كەلەدى. بۇل تەك شەكارادان وتۋگە قويىلاتىن تالاپتار عانا، - دەدى ايبەك سمادياروۆ.
بۇعان دەيىن حابارلانعانداي، 30 -ماۋسىمنان باستاپ رەسەيگە كىرۋ ءۇشىن كەمىندە 72 ساعات بۇرىن RuID پلاتفورماسى ارقىلى ەلەكتروندى ءوتىنىش بەرۋ جانە بىرەگەي QR- كود الۋ قاجەت بولادى. شەكارادان ءوتۋ كەزىندە ساۋساق ىزدەرىن تاپسىرىپ، سۋرەتكە ءتۇسىپ، بيومەتريالىق سايكەستەندىرۋدەن ءوتۋ دە تالاپ ەتىلەدى.
اۆتور
ەربول جانات
