سەربيادا قازاقستان پرەزيدەنتىن رەسمي قارسى الۋ ءراسىمى ءوتتى
بەلگراد. KAZINFORM - سەربيا سارايىنىڭ الدىنداعى الاڭدا مەملەكەت باسشىسى قاسىم-جومارت توقايەۆتى رەسمي قارسى الۋ ءراسىمى ءوتتى، دەپ حابارلايدى اقوردا.
قازاقستان پرەزيدەنتىنىڭ كەلۋىنە وراي قۇرمەت قاراۋىلى ساپ تۇزەدى. قۇرمەت قاراۋىلىنىڭ باستىعى راپورت بەرگەننەن كەيىن ەكى ەلدىڭ ءانۇراندارى شىرقالدى، سونداي-اق ون رەت زەڭبىرەكتەن وق اتىلدى. بۇدان كەيىن پرەزيدەنتتەر ءبىر-بىرىنە رەسمي دەلەگاتسيا مۇشەلەرىن تانىستىردى.
سالتاناتتى راسىمنەن كەيىن مەملەكەتتەر باسشىلارى كەلىسسوز زالىنا باردى.
ەسكە سالساق، كەشە قازاقستان پرەزيدەنتىنىڭ بورتىن سەربيا اسپانىندا وسى ەلدىڭ اسكەري اۋە كۇشتەرىنىڭ ۇشاقتارى الىپ ءجۇردى. قاسىم-جومارت توقايەۆتى بەلگراد اۋەجايىندا سەربيا پرەزيدەنتى الەكساندر ۆۋچيچ قارسى الدى.
سونداي-اق سەربيا پرەزيدەنتى الەۋمەتتىك جەلىلەردەگى پاراقشالارىندا مەملەكەت باسشىسى قاسىم-جومارت توقايەۆتىڭ قۇرمەتىنە كەشكى اس بەرىلگەنىن جانە الماتىنىڭ ايگىلى اپورتىن سىيعا العانىن جاريالادى.
وقي وتىرىڭىز، Kazinform ءتىلشىسى قازاقستان مەن سەربيا اراسىنداعى بايلانىستىڭ ماڭىزدى تۇستارىن سارالاپ كورگەن بولاتىن.
اۆتور
ساياگۇل جارىلقاسىن
