ساربازدىڭ ءومىرى مەن دەنساۋلىعىن ساقتاۋعا بارلىق دەڭگەيدەگى قولباسشىلىق جاۋاپتى - پرەزيدەنت
قازاقستان رەسپۋبليكاسىنىڭ پرەزيدەنتى - قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆ قورعانىس مينيسترلىگىنىڭ باسشىلىق قۇرامىمەن جيىن وتكىزدى. بۇل تۋرالى اقوردا ءمالىم ەتتى.
مەملەكەت باسشىسى قارۋلى كۇشتەر جوعارى قولباسشىلىعىنىڭ الدىندا تۇرعان باسىم مىندەتتەردى اتادى.
ۆەدومستۆو جەتەكشىلىگىنە باسقارۋ جانە اسكەري ورگاندار قۇرىلىمىن جەتىلدىرۋ، اسكەري قىزمەت ينستيتۋتىنىڭ رەزەرۆىن قالىپتاستىرۋ، ارنايى وپەراتسيالار مەن اۋماقتىق قورعانىس كۇشتەرىن دامىتۋ شارالارىن جۇزەگە اسىرۋ جۇكتەلدى. سونداي-اق قارۋلى كۇشتەردى سيفرلاندىرۋ جانە ونىڭ جۇمىسىندا جاساندى ينتەللەكتىنى پايدالانۋ تاپسىرىلدى.
جيىن بارىسىندا اسكەري بورىشتى وتەۋگە جايلى جاعداي جاساۋمەن قاتار اسكەري قىزمەتشىلەردىڭ كاسىبي قۇزىرەتىن جەتىلدىرۋگە، ولارعا قويىلاتىن تالاپتاردى ارتتىرۋعا ءمان بەرۋ قاجەت ەكەنى ايتىلدى.
پرەزيدەنت ساربازدىڭ ءومىرى مەن دەنساۋلىعىن ساقتاۋعا بارلىق دەڭگەيدەگى قولباسشىلىقتىڭ جاۋاپتى ەكەنىن ايتتى.
