سالىق زاڭناماسىنداعى وزگەرىستەر جەكە كاسىپكەرلەرگە قالاي اسەر ەتپەك
استانا. KAZINFORM - قازاقستاندا 2024 -جىلعى 1-قىركۇيەكتەن باستاپ جەكە كاسىپكەرلەرگە سالىق سالۋ ءتارتىبىن ايتارلىقتاي وزگەرتەتىن سالىق جانە الەۋمەتتىك كودەكستەردەگى وزگەرىستەر كۇشىنە ەنەدى.
بۇدان بىلاي جەكە كاسىپكەرلەر سالىق پەن الەۋمەتتىك تولەمدەردى سالىق اگەنتتەرى بولىپ تابىلاتىن سيفرلىق پلاتفورمالار ارقىلى تولەيدى.
جاڭا ەنگىزىلىمدەر جەكە كاسىپكەرلەردەن ولاردىڭ تاپسىرىستار مەن قىزمەتتەردى ورىنداعانى ءۇشىن الاتىن كىرىستەرىنەن %4 ۇستاپ قالۋمەن بايلانىستى. بۇل سوما اۆتوماتتى تۇردە ۇستالىپ، م ك ك (مەملەكەتتىك كىرىس كوميتەتە) جانە باسقا دا ءتيىستى مەملەكەتتىك قۇرىلىمدارعا اۋدارىلادى، ول جەكە تابىس سالىعى مەن الەۋمەتتىك تولەمدەردى قامتيدى.
سالىق ماسەلەسى بويىنشا ساراپشى دميتري كازانتسيەۆتىڭ پىكىرىنشە، بۇل جاڭا ءتارتىپ سالىق پروتسەسىن باسقارۋدى جەڭىلدەتۋگە، ونى تيىمدىرەك ەتۋگە جانە ينتەرنەت-پلاتفورمالار مەن موبيلدى قوسىمشالار ارقىلى جۇمىس ىستەيتىن كاسىپكەرلەرگە اكىمشىلىك جۇكتەمەنى تومەندەتۋگە ارنالعان.
جەكە كاسىپكەر ءۇشىن بۇل بيزنەس جۇرگىزۋ پروتسەسىندە ايتارلىقتاي وزگەرىس بولاتىنىن بىلدىرەدى. ەگەر بۇرىن كاسىپكەرلەر سالىقتى ەسەپتەپ، تولەۋگە جاۋاپتى بولسا، ەندى بۇل مىندەت سيفرلىق پلاتفورمالارعا جۇكتەلەدى. بۇل سالىق تولەۋدەگى قاتەلىكتەر مەن كىدىرىستەر قاۋپىن ازايتۋعا مۇمكىندىك بەرەدى، سونداي-اق ەسەپتىلىك پروتسەسىن جەڭىلدەتەدى. كاسىپكەرلەردىڭ وسى وزگەرىستەرگە الدىن-الا دايىندالۋى جانە ءوز قىزمەتىن جاڭا جاعدايلارعا بەيىمدەۋى ماڭىزدى.
مەملەكەت تاراپىنان مۇنداي شارالاردى ەنگىزۋ سيفرلىق قىزمەتتەر سالاسىنداعى قارجى وپەراتسيالارىنىڭ اشىقتىعىن ارتتىرۋعا جانە سالىقتىڭ جينالۋىن جاقسارتۋعا اكەلەدى دەپ كۇتىلۋدە.
سونىمەن قاتار، ول كولەڭكەلى ەكونوميكانى تومەندەتۋگە جانە نارىقتىڭ بارلىق قاتىسۋشىلارى ءۇشىن ءادىل سالىق ورتاسىن قۇرۋعا ىقپال ەتۋگە ءتيىس.
ءسويتىپ، 2024 -جىلعى 1-قىركۇيەكتەن باستاپ قىزمەتىن سيفرلىق پلاتفورمالار ارقىلى جۇزەگە اسىراتىن جەكە كاسىپكەرلەر سالىق پەن الەۋمەتتىك تولەمدەر بويىنشا جاڭا تالاپتارعا تاپ بولادى. بۇل وزگەرىستەر سالىق پروتسەسىن باسقارۋدى جەڭىلدەتۋگە، سونىمەن بىرگە مەملەكەت پەن بيزنەس اراسىنداعى ءوزارا ارەكەتتەستىكتى جاقسارتۋعا باعىتتالعان، ال بۇل قازاقستاندا نەعۇرلىم اشىق جانە تۇراقتى سالىق جۇيەسىن قۇرۋعا اكەلۋگە ءتيىس.
