10:28, 10 - ءساۋىر 2024 | GMT +5
سۋ تاسقىنىنان زارداپ شەككەن ءوڭىردىڭ بالالارى الماتى وبلىسىندا دەمالادى
قونايەۆ. KAZINFORM - سۋ تاسقىنى بولعان ايماقتاردىڭ وقۋشىلارى الماتى وبلىسىندا ورنالاسقان جىل بويىنا جۇمىس ىستەيتىن لاگەرلەردە دەمالادى.
الماتى وبلىسى اكىمدىگىنىڭ باسپا ءسوز قىزمەتى ءمالىم ەتكەندەي، 9 بەن 15 جاس ارالىعىنداعى 70 بالا ەڭبەكشى قازاق اۋدانى، تۇرگەن اۋىلىنداعى «تاۋ جاناشار» بالالار بەلسەندى ساۋىقتىرۋ لاگەرىندە دەمالادى. وقۋشىلاردى ورنالاستىرۋ جۇمىستارى ءساۋىر ايىنىڭ 10 مەن 25 ارالىعىندا جۇزەگە اسادى.
«سونداي- اق 10- ساۋىردەن 10- مامىرعا دەيىن «تاۋ- تۇران» بالالار لاگەرىندە 100 بالا دەمالادى دەپ جوسپارلانىپ وتىر»، - دەپ حابارلادى وبلىستىق اكىمدىكتەن.
بۇعان دەيىن وقۋ-اعارتۋ مينيسترلىگى ەڭ كوپ زارداپ شەككەن ايماقتاردا تۇراتىن بالالاردىڭ ساۋىقتىرۋ ورتالىقتارىنا جىبەرىلىپ جاتقانىن مالىمدەگەن ەدى.
اۆتور
الما مۇقانوۆا
