سۋ تاسقىنىنان بۇلىنگەن ۇيلەردى سالۋ بارىسى ۇنەمى كامەرامەن باقىلانادى

استانا. KAZINFORM - سۋ تاسقىنىنان بۇلىنگەن ۇيلەردى سالۋ بارىسى ۇنەمى كامەرامەن باقىلانادى. بۇل تۋرالى ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ ايتتى.

Су тасқыны
Фото: Атырау облысының жедел штабы

«مينيسترلىك جانىنداعى احۋالدىق ورتالىق جانە ەڭبەك رەسۋرستارىن دامىتۋ ورتالىعى EGOV جانە «الەۋمەتتىك كومەك» ينفورجۇيەسى ارقىلى ازاماتتاردان وتىنىشتەردى قابىلداۋ جانە وڭدەۋ پروتسەسىنە مونيتورينگ جۇرگىزەدى. سيفرلاندىرۋ ەسەبىنەن ىسكە اسىرۋ كەزەڭدەرى بولىنىسىندە وبەكتىلىك مونيتورينگ قامتاماسىز ەتىلدى. دەشبوردقا مونيتورينگ ناتيجەلەرىن شىعارۋ بويىنشا جۇمىستاردى اپتانىڭ سوڭىنا دەيىن اياقتاۋدى جوسپارلاپ وتىرمىز»، - دەدى مينيستر.

سونىمەن قاتار ول ءار وڭىردە جاپپاي قۇرىلىس الاڭدارىندا تاۋلىك بويى ونلاين قولجەتىمدىلىگى بار 52 كامەرا ورنالاستىرىلعانىن ايتتى.

«الداعى اپتادا اقتوبە وبلىسىندا قوسىمشا 6 كامەرانى ىسكە قوسۋ جوسپارلانۋدا. اكىمدىكتەر ءاربىر نىسانداعى جۇمىستاردى جەدەلدەتۋى جانە جۇمىستاردىڭ ۋاقتىلى ورىندالۋىن ۇدايى باقىلاۋى قاجەت»، - دەدى قانات شارلاپايەۆ.

اۆتور

مارلان جيەمباي

سوڭعى جاڭالىقتار