سۋ تاسقىنى: استانادان س ق و- عا قوسىمشا 300 اسكەري قىزمەتشى جىبەرىلدى
استانا. KAZINFORM - سۋ تاسقىنى سالدارىمەن كۇرەسۋ جانە الدىن الۋ جۇمىستارىنا قوسىمشا كۇش رەتىندە استانادان سولتۇستىك قازاقستان وبلىسىنا اسكەري قىزمەتشىلەر جىبەرىلدى.
«سولتۇستىك قازاقستان وبلىسىنا اۋماقتىق قورعانىس بريگاداسىنىڭ 30 اسكەري قىزمەتشىسى پەتروپاۆل قالاسىنىڭ شەتىندە ساياجايلار الابىندا 1 مىڭ قاپ قۇم دايىنداپ، ەسىل وزەنىنىڭ بوگەتىن كۇشەيتۋ جۇمىستارىن جۇرگىزدى. 8- ساۋىردە وبلىس اكىمىنىڭ ءوتىنىشى مەن قورعانىس ءمينيسترىنىڭ نۇسقاۋى بويىنشا قارۋلى كۇشتەردەن استانا قالاسىنان قوسىمشا 300 اسكەري قىزمەتشى ءبولىندى»، - دەدى قورعانىس مينيسترلىگىنىڭ رەسمي وكىلى رۋسلان جانگۋلين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
بۇعان دەيىن پەتروپاۆلدا سۋ باسۋ قاۋپى بار «قىزىلجار سۋ» كاسىپورنى بوگەتتەردى نىعايتىپ جاتقانى تۋرالى حابارلاعان ەدىك.
ايتا كەتسەك، س ق و- دا وتكەن تاۋلىكتە 5 ەلدى مەكەننەن 178 ادام قاۋىپسىز جەرگە شىعارىلدى.
اۆتور
داۋلەت ىزتىلەۋ
