پرەزيدەنت ومان سۇلتانىنا قۇتتىقتاۋ جەدەلحاتىن جولدادى
استانا. KAZINFORM – ق ر پرەزيدەنتى قاسىم-جومارت توقايەۆ ءوزىنىڭ جانە قازاقستان حالقىنىڭ اتىنان حايسام بەن تاريق ءال سايد پەن ونىڭ وتانداستارىن ومان سۇلتاندىعىنىڭ ءتول مەرەكەسى - ۇلتتىق كۇنىمەن قۇتتىقتادى، دەپ حابارلايدى اقوردا.
مەملەكەت باسشىسى جەدەلحاتىندا ومان قازاقستاننىڭ اراب الەمىندەگى سەنىمدى سەرىكتەسى سانالاتىنىن ايتتى. سونىمەن قاتار ەكىجاقتى قارىم-قاتىناس قوس حالىقتىڭ يگىلىگى ءۇشىن دامي بەرەتىنىنە سەنىم ءبىلدىردى.
قاسىم- جومارت توقايەۆ حايسام بەن تاريق ءال سايدتىڭ اسا جاۋاپتى قىزمەتى مەن بارلىق باستاماسىنا تابىس، ال ومان حالقىنا قۇت-بەرەكە تىلەدى.
بۇعان دەيىن حابارلاعانداي، مەملەكەت باسشىسى پالەستينا پرەزيدەنتىنە قۇتتىقتاۋ جەدەلحاتىن جولدادى.
قاسىم-جومارت توقايەۆ ماحمۇد ابباس پەن ونىڭ وتانداستارىن پالەستينانىڭ ءتول مەرەكەسى - تاۋەلسىزدىك كۇنىمەن قۇتتىقتادى.
اۆتور
ساياگۇل جارىلقاسىن
