13:42, 09 - مامىر 2025 | GMT +5
پرەزيدەنت قىزىل الاڭداعى پارادقا قاتىسقان ساربازدارعا قۇرمەت كورسەتتى
ماسكەۋ. KAZINFORM - مەملەكەت باسشىسى قىزىل الاڭداعى پارادقا قاتىسقان قازاقستان قارۋلى كۇشتەرىنىڭ ساربازدارىنا قۇرمەت كورسەتتى. بۇل تۋرالى اقوردا ءمالىم ەتتى.
- اسكەري شەرۋگە قازاقستان رەسپۋبليكاسىنان كەڭەس وداعىنىڭ باتىرى، گەنەرال-مايور يۆان پانفيلوۆ اتىنداعى دەسانتتىق-شابۋىلداۋ اسكەرى 37- بريگاداسىنىڭ جاۋىنگەرلەرى قاتىستى. سالتاناتپەن ساپ تۇزەگەن قازاقستاندىق 80 ساربازدى پولكوۆنيك الماس تولەگەنوۆ باستاپ ءجۇردى، - دەلىنگەن حابارلامادا.
ەسكە سالا كەتەيىك، قاسىم-جومارت توقايەۆتى ۆلاديمير پۋتين كرەملدە قارسى العان بولاتىن.
