پرەزيدەنت جارلىعىمەن ەكى مۋزەيگە ۇلتتىق مارتەبە بەرىلدى
پرەزيدەنت قاسىم-جومارت توقايەۆتىڭ جارلىعىمەن ەلىمىزدەگى ەكى مۋزەيگە ۇلتتىق مارتەبە بەرىلدى. بۇل تۋرالى اقوردا مالىمدەدى.

«مادەنيەت تۋرالى» قازاقستان رەسپۋبليكاسى زاڭىنىڭ 21-بابىنىڭ 1-تارماعىنا سايكەس قاۋلى ەتەمىن:
1. قازاقستان رەسپۋبليكاسى مادەنيەت جانە اقپارات مينيسترلىگى مادەنيەت كوميتەتىنىڭ «ءابىلحان قاستەيەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۋزەيى» جانە «قازاقستان رەسپۋبليكاسىنىڭ مەملەكەتتىك ورتالىق مۋزەيى» رەسپۋبليكالىق مەملەكەتتىك قازىنالىق كاسىپورىندارىنا «ۇلتتىق» مارتەبە بەرىلسىن.
2. قازاقستان رەسپۋبليكاسىنىڭ ۇكىمەتى وسى جارلىقتان تۋىندايتىن شارالاردى قابىلداسىن.
3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى»، - دەلىنگەن اقوردا جاريالاعان قۇجاتتا.
ايتا كەتەيىك، بۇعان دەيىن قازاق ۇلتتىق ونەر ۋنيۆەرسيتەتىنە رەسمي تۇردە كۇلاش بايسەيىتوۆانىڭ ەسىمى بەرىلگەن.
اۆتور
اسحات رايقۇل