پرەزيدەنت حورۆاتيا پرەمەر- ءمينيسترىن استانا حالىقارالىق فورۋمىنا شاقىردى
استانا. KAZINFORM - مەملەكەت باسشىسى قاسىم-جومارت توقايەۆ حورۆاتيا پرەمەر- ءمينيسترى اندرەي پلەنكوۆيچپەن كەزدەستى، دەپ حابارلايدى اقوردا.
پرەزيدەنت حورۆاتيانى قازاقستاننىڭ ەۋروپا وداعىنداعى سەنىمدى سەرىكتەسى رەتىندە اتاپ ءوتتى.
قاسىم- جومارت توقايەۆ پەن اندرەي پلەنكوۆيچ ەكىجاقتى قارىم-قاتىناستى، سونىڭ ىشىندە ساۋدا-ەكونوميكا، ينۆەستيتسيا جانە مادەني- گۋمانيتارلىق ىقپالداستىقتىڭ قازىرگى جاي-كۇيىن تالقىلادى.
كەزدەسۋدە ەنەرگەتيكا سەكتورىنداعى بىرلەسكەن ينۆەستيتسيالىق جوبالاردى جۇزەگە اسىرۋعا باسا نازار اۋدارىلدى. مەملەكەت باسشىسى قازاقستاندا جۇمىس ىستەپ جاتقان حورۆاتيالىق كومپانيالارعا قولداۋ ءبىلدىردى. بۇدان بولەك، ۆيزا رەجيمىن وڭتايلاندىرۋ ماسەلەسى قاراستىرىلدى.
ورايلى ءساتتى پايدالانا وتىرىپ، قاسىم-جومارت توقايەۆ حورۆاتيا پرەمەر-ءمينيسترىن كەلەسى جىلى وتەتىن استانا حالىقارالىق فورۋمىنا شاقىردى. ال اندرەي پلەنكوۆيچ قازاقستان پرەزيدەنتىنە حورۆاتياعا ساپارمەن كەلۋگە ۇسىنىس ءبىلدىردى.
ەسكە سالايىق، پرەزيدەنت قاسىم-جومارت توقايەۆ دۇنيەجۇزىلىك كليمات سامميتىنە قاتىسۋ ءۇشىن باكۋدەگى وليمپيادالىق ستاديونعا باردى. سوسىن مەملەكەت باسشىسى باكۋدەگى دۇنيەجۇزىلىك كليمات سامميتىندە ءسوز سويلەدى.
