19:23, 27 - قىركۇيەك 2024 | GMT +6
پرەزيدەنت «بورتە ميلكا» تاۋارلى ءسۇت فەرماسىمەن تانىستى
تۇركىستان. KAZINFORM - مەملەكەت باسشىسى ورداباسى اۋدانىنىڭ بادام اۋىلىندا ورنالاسقان «بورتە ميلكا» ج ش س تاۋارلى ءسۇت فەرماسىن ارالاپ كوردى.
2016 -جىلى نەگىزى قالانعان بۇل كاسىپورىن سولتۇستىك قازاقستان وبلىسىنىڭ تاجىريبەسى نەگىزىندە بيىل 403 باس سيىر ساتىپ الدى. ناتيجەسىندە قوسىمشا 15 جاڭا جۇمىس ورنى اشىلدى.
جوباعا مەملەكەتتەن جىلدىق مولشەرلەمەسى 2,5 پايىز بولاتىن جەڭىلدەتىلگەن 2,4 ميلليارد تەڭگە نەسيە بەرىلدى. بۇگىندە قۇرىلىس جۇمىستارى تولىق اياقتالدى. فەرما «DeLaval» شۆەد تەحنولوگيالىق كەشەنىمەن جابدىقتالعان.
فەرما تاۋلىگىنە 25 توننا ءسۇت وڭدەپ، 20-دان استام ءونىم ءتۇرىن شىعارادى. كاسىپورىننىڭ تاۋارى نەگىزىنەن تۇركىستان، قىزىلوردا، جامبىل وبلىستارىنا، سونداي- اق شىمكەنت، الماتى قالالارىنا جەتكىزىلەدى.
اۆتور
اسحات رايقۇل
