پرەزيدەنت انكارادا قوناقجايلىق تانىتقانى ءۇشىن ەردوعانعا ريزاشىلىعىن ءبىلدىردى
استانا. KAZINFORM - مەملەكەت باسشىسى قاسىم-جومارت توقايەۆ انكاراعا رەسمي ساپارى كەزىندە قوناقجايلىق تانىتقانى ءۇشىن پرەزيدەنت رەجەپ تايپ ەردوعانعا شىنايى ريزاشىلىعىن ءبىلدىرىپ، حات جولدادى. بۇل تۋرالى اقوردانىڭ باسپا ءسوز قىزمەتى حابارلادى.
قازاقستان پرەزيدەنتىنىڭ پىكىرىنشە، تۇركيا استاناسىندا وتكەن كەلىسسوزدەر ەكىجاقتى ىنتىماقتاستىقتىڭ باۋىرلاستىق، ءوزارا سەنىم جانە ستراتەگيالىق سەرىكتەستىك رۋحىندا دامىپ، بۇرىن-سوڭدى بولماعان جوعارى دەڭگەيگە كوتەرىلگەنىن كورسەتەدى.
ەلىمىز تۇركيامەن ب ۇ ۇ، تۇركى مەملەكەتتەرى ۇيىمى جانە باسقا دا حالىقارالىق قۇرىلىمدار اياسىنداعى ىقپالداستىقتى جوعارى باعالايدى. سونداي-اق ازياداعى ءوزارا ءىس-قيمىل جانە سەنىم شارالارى جونىندەگى كەڭەستى ينستيتۋتتاندىرۋ پروتسەسىنە تۇراقتى قولداۋ بىلدىرگەنى ءۇشىن العىس ايتادى.
ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقايەۆ رەجەپ تايپ ەردوعاننىڭ قازاق-تۇرىك قارىم-قاتىناستارىن نىعايتۋعا قوسقان سۇبەلى ۇلەسىنە جوعارى باعا بەرگەنىن جازعان ەدىك.
