رومان سكليار پەتروپاۆل ماڭىنداعى تۇرعىنداردى ءماجبۇرلى تۇردە كوشىرۋدى تاپسىردى
پەتروپاۆل. KAZINFORM - زارەچنىي كەنتى مەن ساياجايدا تۇراتىن 32 ادام ءوز ۇيلەرىنەن كوشكىلەرى كەلمەيدى. بۇل جايىندا تۇنگى ارالاۋ كەزىندە پەتروپاۆل قالاسىنىڭ اكىمى سەرىك مۇحامەديەۆ پرەمەر- ءمينيستردىڭ ءبىرىنشى ورىنباسارىنا ايتتى.
ونىڭ سوزىنشە تۇرعىندار بولۋى مۇمكىن اپاتپەن «ءوزىمىز-اق كۇرەسە الامىز» دەگەن.
ۇكىمەتتىڭ باسپا ءسوز قىزمەتى حابارلاعانداي، وقىس جاعدايدىڭ الدىن الۋ ءۇشىن رومان سكليار تۇرعىنداردى ءماجبۇرلى تۇردە ەۆاكۋتسيالاۋ جونىندە جەدەل تاپسىرما بەردى.
«مەن اكىمدىككە، پوليتسيا دەپارتامەنتىنە جانە ت ج د- نە تۇرعىنداردى ءماجبۇرلى تۇردە ەۆاكۋتسيالاۋدى باستاۋعا تاپسىرما بەرەمىن. ادامداردىڭ قاۋىپسىزدىگىن قامتاماسىز ەتۋ ماڭىزدى. ەشكىم زارداپ شەكپەۋى قاجەت. ويدا جوقتا سۋ كەلىپ قالسا، جاعداي مۇلدەم باسقاشا بولادى. بۇعان جول بەرمەۋىمىز قاجەت» - دەدى ول.
سونداي-اق ۆيتسە-پرەمەر ويقالا ىقشام اۋدانىنداعى اينالما جول ۋچاسكەسىندەگى بوگەتتەردى نىعايتۋ جۇمىستارىن تەكسەردى جانە كوجيەۆەننىي كەنتى مەن ۋشيەۆ كوشەسىندە سالىنىپ جاتقان بوگەتتەردىڭ جاعدايىن كورىپ قايتتى.
باقىلاۋ كەزىندە رومان سكليار سۋ كەلۋ جونىندەگى جاڭا بولجامنان كەيىن بارلىق بوگەتتەرگە گەودەزيست مامانداردى شاقىرۋدى تاپسىردى. بۇدان بولەك، اكىمدىك، قۇتقارۋ قىزمەتتەرى مەن پوليتسەيلەرگە تۇرعىنداردى، تۇرمىستىق تەحنيكا مەن جانۋارلاردى ەۆاكۋاتسيالاۋ كەزىندە جان-جاقتى كومەك كورسەتۋ كەرەك ەكەنىن ايتتى.
اۆتور
ەلميرا ورالبايەۆا
