ەۋرو وداق بىزدەن جاڭارتىلاتىن قۋات ساتىپ العىسى كەلەدى

green energy
Photo credit: pixabay.com

استانا. KAZINFORM - ەنەرگەتيكا ءمينيسترى الماسادام ساتقاليەۆ ۇكىمەت وتىرىسىنان كەيىن وتكەن بريفينگتە قازاقستان- ازەربايجان- وزبەكستان ۇشتىگى قولعا العان ەنەرگەتيكالىق جوبانىڭ كەلەشەگى تۋرالى پىكىر ءبىلدىردى.

«استانا ەكونوميكالىق فورۋمى اياسىندا قازاقستان، ازەربايجان، وزبەكستان ەنەرگەتيكا مينيسترلەرى جاسىل ەنەرگەتيكانى دامىتۋ جانە ونى كەلەشەگى بار نارىقتارعا تاسىمالداۋ تۋرالى كەلىسىمگە قول قويعان بولاتىن. ەۋرووداق تاراپىنان الدىن الا جۇمىس جۇرگىزىلدى. ولار تازا ەلەكتر ەنەرگياسىن ساتىپ الۋعا قىزىعۋشىلىق ءبىلدىردى»، - دەدى الماسادام ساتقالييەۆ.

سونداي- اق، ول ازەربايجان قارا تەڭىز تابانىنا ەلەكتر كابەلىن تارتۋ جوباسىن زەرتتەپ جاتقانىن ايتتى.

«سايكەسىنشە ءۇش مەملەكەت كاسپيي تابانىنا جوعارى كەرنەۋلى ەلەكتر كابەلىن تارتۋ تۋرالى كەلىسىمگە قول قويعان. بۇل بىزگە تازا جاڭارتىلاتىن ەنەرگيانى الەۋەتتى نارىقتارعا جەتكىزۋگە مۇمكىندىك بەرەدى. اڭگىمە ۇلكەن كولەمدەگى ينۆەستيتسيالار تۋرالى بولىپ وتىر. ءبىز ول ءۇشىن كاسپي ماڭىنداعى ءوڭىر مەن ارالدىڭ الەۋەتىن پايدالانۋدى جوسپارلاپ وتىرمىز»، - دەدى مينيستر.

اۆتور

ەسىمجان ناقتىباي

سوڭعى جاڭالىقتار