رەسەيدى ابىگەرگە سالعان دروندار قازاقستان اۋماعىنان ۇشىرىلدى ما - س ءى م جاۋابى
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيدى ابىگەرگە سالعان پيلوتسىز ۇشاتىن اپپاراتتار قازاقستان اۋماعىنان ۇشىرىلدى دەگەنگە ساياتىن الىپ-قاشپا اڭگىمەلەرگە جاۋاپ بەردى.
- قازاقستان اۋماعىنان رەسەيگە قاراي پيلوتسىز ۇشاتىن اپپاراتتار جىبەرىلىپ جاتقانى تۋرالى مالىمەتتەر شىندىققا جاناسپايدى، - دەدى ول كەزەكتى بريفينگىدە.
ايبەك سمادياروۆ مۇنداي وقيعالاردىڭ ءبارى قۇزىرەتتى ورگانداردىڭ ءجىتى باقىلاۋىندا ەكەنىن ەسكە سالدى.
- بۇل جەردە تەحنيكالىق سيپاتتاعى ماسەلەلەر بويىنشا قورعانىس مينيسترلىگىنە جۇگىنۋ كەرەك، - دەدى س ءى م رەسمي وكىلى.
بۇعان دەيىن پرەمەر-ءمينيستردىڭ ورىنباسارى -ۇلتتىق ەكونوميكا ءمينيسترى سەرىك جۇمانعارين يران-يزرايل تەكەتىرەسىنىڭ قازاقستاننىڭ سىرتقى ساۋداسىنا قالاي اسەر ەتىپ جاتقانىن ايتقان بولاتىن.
اۆتور
ەسىمجان ناقتىباي
