رەسەي ارقىلى ەۋروپاعا بيداي ەكسپورتتاۋ كولەمىن ۇلعايتامىز - ا ش م

استانا. KAZINFORM - اۋىل شارۋاشىلىعى ءمينيسترىنىڭ ورىنباسارى ازات سۇلتانوۆ قازاقستان مەن رەسەي پرەمەر-مينيسترلەرىنىڭ كەلىسسوز قورىتىندىسى تۋرالى ب ا ق- قا مالىمەت بەردى.

- قازاقستان رەسەي فەدەراتسياسىنىڭ اۋماعى ارقىلى ەۋروپا ەلدەرىنە بيداي مەن باسقا دا اۋىل شارۋاشىلىعى ونىمدەرىن جەتكىزۋدى ۇلعايتۋعا نيەتتى، - دەگەن ۆيتسە-مينيستر ەكىجاقتى كەلىسسوزدە وسى ماسەلە دە تالقىلانعانىن ايتتى.

سونداي-اق، ول كەيبىر وڭىرلىك دەڭگەيدەگى ەپيزوتيكالىق شەكتەۋلەرگە بايلانىستى قازاقستاننان ەت ەكسپورتتاۋعا قويىلعان شەكتەۋلەردى ءىشىنارا الىپ تاستاۋ تۋرالى ۋاعدالاستىق ورناتىلعانىن ايتتى.

- قازاقستانداعى ەپيزووتيالىق جاعدايعا بايلانىستى وسىعان دەيىن رەسەي تاراپى ەت ونىمدەرىن كىرگىزۋگە شەكتەۋ قويعان بولاتىن. بۇگىنگى تاڭدا رەسەيلىك ارىپتەستەرىمىزبەن كەلىسىمگە كەلىپ، وڭتۇستىك جانە شىعىس- وڭتۇستىك ايماقتارىنان ول شەكتەۋدى الىپ تاستادىق. قازىر جالپى قازاقستان اۋماعى بويىنشا شەكتەۋدى الىپ تاستاۋ جونىندە جۇمىس جۇرگىزىپ جاتىرمىز، - دەدى ازات سۇلتانوۆ.

سونىمەن قاتار، ولجاس بەكتەنوۆ رەسەي كومپانيالارىن ينۆەستيتسيالىق جوبالارعا بەلسەندى اتسالىسۋعا شاقىردى.

اۆتور

ەسىمجان ناقتىباي