نۇرلىبەك نالىبايەۆ پرەمەر-ءمينيستردىڭ ءبىرىنشى ورىنباسارى بولدى

ءتيىستى جارلىققا پرەزيدەنت قاسىم- جومارت توقايەۆ قول قويدى.

— نۇرلىبەك ماشبەك ۇلى نالىبايەۆ قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى لاۋازىمىنا تاعايىندالسىن، — دەلىنگەن قۇجاتتا.

نۇرلىبەك نالىبايەۆ 1976 -جىلى قىزىلوردا وبلىسىندا تۋعان. قازاق مەملەكەتتىك اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن.

جۇمانعارين ۆيتسە-پرەمەر - ۇلتتىق ەكونوميكا ءمينيسترى قىزمەتىندە قالدى

سەرىك ماقاش ۇلى جۇمانعارين پرەمەر-ءمينيستردىڭ ورىنباسارى — ۇلتتىق ەكونوميكا ءمينيسترى قىزمەتىنە قايتا تاعايىندالدى.

ءتيىستى جارلىققا مەملەكەت باسشىسى قاسىم-جومارت توقايەۆ قول قويدى.

سەرىك جۇمانعارين 1969 -جىلى اقتوبە قالاسىندا دۇنيەگە كەلگەن.

ماسكەۋ لەنين وردەندى جانە وكتيابر ريەۆوليۋتسياسى وردەندى ەنەرگەتيكالىق ينتيتۋتىن، ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، حالىقارالىق بيزنەس اكادەمياسىن ءتامامداعان.

قانات بوزىمبايەۆ پرەمەر-ءمينيستردىڭ ورىنباسارى بولىپ قالا بەرەدى

قانات الدابەرگەن ۇلى بوزىمبايەۆ قازاقستان رەسپۋبليكاسى پرەمەر- ءمينيسترىنىڭ ورىنباسارى لاۋازىمىنا قايتا تاعايىندالدى. 

— مەملەكەت باسشىسىنىڭ جارلىعىمەن قانات الدابەرگەن ۇلى بوزىمبايەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى لاۋازىمىنا تاعايىندالدى، - دەلىنگەن حابارلامادا.

مادي تاكيەۆ قارجى مينيسترلىگىن باسقارا بەرەدى

 ءمادي تاكيەۆ قازاقستان رەسپۋبليكاسىنىڭ قارجى ءمينيسترى لاۋازىمىنا تاعايىندالدى.

ءتيىستى جارلىققا پرەزيدەنت قاسىم-جومارت توقايەۆ قول قويدى.

- ءمادي توكەش ۇلى تاكيەۆ قازاقستان رەسپۋبليكاسىنىڭ قارجى ءمينيسترى لاۋازىمىنا تاعايىندالسىن، - دەلىنگەن قۇجاتتا.

ءمادي تاكيەۆ 1978 -جىلى الماتى وبلىسىندا دۇنيەگە كەلگەن.

نۇرلان ساۋرانبايەۆ كولىك ءمينيسترى قىزمەتىندە قالدى

 نۇرلان ساۋرانبايەۆ كولىك ءمينيسترى بولىپ تاعايىندالدى.

ءتيىستى جارلىققا پرەزيدەنت قاسىم- جومارت توقايەۆ قول قويدى.

— نۇرلان ەرمەك ۇلى ساۋرانبايەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالسىن، - دەلىنگەن قۇجاتتا.

نۇرلان ساۋرانبايەۆ 1967 -جىلعى 20 -مامىردا دۇنيەگە كەلگەن.

الماتىداعى № 30 ورتا مەكتەپتە وقىدى.

1991 -جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىن «ساياسي ەكونوميكا» ماماندىعى بويىنشا ءتامامدادى.