قىتايمەن شەكاراداعى اۆتوموبيل وتكىزۋ پۋنكتتەرى 1-اقپانعا دەيىن جۇمىس ىستەمەيدى
استانا. KAZINFORM - قىتايمەن شەكاراداعى اۆتوموبيل وتكىزۋ پۋنكتتەرى 2025 -جىلدىڭ 27-قاڭتارىنان 1 -اقپانىنا دەيىن جۇمىس ىستەمەيدى، دەپ حابارلايدى ق م مەملەكەتتىك كىرىستەر كوميتەتى.

مەملەكەتتىك كىرىستەر كوميتەتى، ق ح ر- دا كوكتەم مەرەكەسىنە بايلانىستى 2025 -جىلعى 27-قاڭتاردىڭ ساعات 20:00- دەن، 2025 -جىلعى 1-اقپاننىڭ ساعات 08:00- گە دەيىن، قازاقستان-قىتاي شەكاراسىنداعى اۆتوموبيل وتكىزۋ پۋنكتەرىندە تۇلعالاردىڭ، كولىك قۇرالدارى مەن جۇكتەردى وتكىزۋ جۇزەگە اسىرىلمايتىندىعىن حابارلايدى.
- قازاقستان- قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى. تاسىمالداۋشىلاردان جانە بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرايمىز، - دەلىنگەن حابارلامادا.
بۇعان دەيىن، پرەزيدەنتكە مەملەكەتتىك شەكارانى قورعاۋعا جانە كۇزەتۋگە قاتىستى اقپارات بەرىلگەنىن جازدىق.