قازاتوم ونەركاسىپ سۋ تاسقىنىنان زارداپ شەككەن وڭىرلەرگە 3 ميلليارد تەڭگە ءبولدى
استانا. KAZINFORM - «قازاتوم ونەركاسىپ» ۇ ا ك» ا ق تابيعي اپاتتان زارداپ شەككەن وڭىرلەرگە كومەك رەتىندە 3 ميلليارد تەڭگە كولەمىندە قارجى ءبولدى. بۇل قاراجات زارداپ شەككەن اۋداندارعا جەدەل قولداۋ كورسەتۋ ءۇشىن Samruk-Kazyna Trust قورىنا اۋدارىلادى
«ءبىز ەلىمىزدىڭ كەيبىر وڭىرلەرىندەگى سۋ تاسقىنىنان تۋىنداعان اۋىر جاعدايعا قاتتى وكىنەمىز. وسى قيىن ساتتە ءبىز سىزدەرمەن بىرگەمىز. ىنتىماقتاستىعىمىز بەن قولداۋىمىزدىڭ بەلگىسى رەتىندە قىزمەتكەرلەرىمىزدىڭ باستاماسىنان بولەك، قازاتومونەركاسىپ زارداپ شەككەن تۇرعىندارعا قارجىلاي كومەك كورسەتۋگە بەلسەندى اتسالىسۋدا. ءبىز كەز كەلگەن قيىندىقتاردى بىرگە ەڭسەرىپ، زارداپ شەككەن ايماقتاردىڭ قالىپتى ءومىرىن قالپىنا كەلتىرە الاتىندىعىمىزدىڭ بەلگىسى - Samruk-Kazyna Trust كورپوراتيۆتىك قورىنا قوسقان ۇلەسىمىز»، - دەدى «قازاتومونەركاسىپ» ۇ ا ك» اق باسقارما ءتوراعاسى مەيىرجان يۋسۋپوۆ.
سونىمەن قاتار، سۋ تاسقىنىنا قارسى كۇرەسكە «قازاتوم ونەركاسىپ» ۇ ا ك» ا ق تابيعي اپاتتىڭ سالدارىن جويۋعا كومەك كورسەتۋ ءۇشىن 120-عا جۋىق ارنايى تەحنيكا جىبەرەدى. بۇل شەشىم زارداپ شەككەن اۋداندارعا كومەكتەسۋ ءۇشىن كومپانيا باستاعان كەڭ قولداۋ باعدارلاماسىنىڭ بولىگى سانالادى. ارنايى تەحنيكا ينفراقۇرىلىمدى قالپىنا كەلتىرۋ، اۋماقتاردى سۋدان تازارتۋ جانە ومىرلىك ماڭىزدى نىسانداردى قالپىنا كەلتىرۋ ءۇشىن پايدالانىلاتىن بولادى.
اۆتور
مارلان جيەمباي
