قازاقستاندىق فارماسيەۆتيكالىق ءونىمنىڭ كولەمى 22 پايىزعا ارتتى

استانا. KAZINFORM - قازاقستاندا مەملەكەت باسشىسىنىڭ 2029 -جىلعا قاراي وتاندىق ءدارى-دارمەك ءوندىرىسىنىڭ %50- عا دەيىنگى ۇلەسىنە قول جەتكىزۋ جونىندەگى تاپسىرماسىن ورىنداۋ ءۇشىن كەشەندى شارالار قابىلدانىپ جاتىر.

- 2024 -جىلى قازاقستاندىق فارماتسيەۆتيكالىق ءونىمنىڭ كولەمى %22- عا ارتىپ، 171,6 ميلليارد تەڭگەگە جەتتى. تارتىلعان ينۆەستيتسيانىڭ كولەمى ەكى ەسەگە ارتىپ، 91,3 ميلليون ا ق ش دوللار بولدى. ەكسپورت %32,9- عا ءوسىپ، 52,1 ميلليون ا ق ش دوللارىنا جەتتى. فارماتسيەۆتيكالىق ءونىمنىڭ 2466 اتاۋىنا 34 قازاقستاندىق وندىرۋشىمەن 10 جىلعا دەيىنگى مەرزىمگە 90 ۇزاق مەرزىمدى شارت جاسالدى، - دەلىنگەن د س م حابارلاماسىندا.

الەۋمەتتىك ءمانى بار ءدارى-دارمەكتەرگە ناقتى قاجەتتىلىكتى ەسەپكە الۋ ءۇشىن ۇزاق مەرزىمدى شارت جاساسۋ ءتارتىبى قايتا قارالىپ جاتىر.

Pfizer، Hoffmann-La Roche جانە AstraZeneca سياقتى الەمدىك كومپانيالارمەن كەلىسىمشارتتىق ءوندىرىس تۋرالى كەلىسىمشارت جاسالدى.

لوكاليزاتسيالاۋعا قويىلاتىن تالاپتار كۇشەيتىلدى، بىرەگەي پرەپاراتتار ءوندىرىسى ىنتالاندىرىلدى، بيزنەس- قوعامداستىقتىڭ ۇسىنىستارىن ەسكەرە وتىرىپ، نورماتيۆتىك بازانى قايتا قاراۋ بويىنشا بەلسەندى جۇمىس ىستەلىپ جاتىر.

يندۋستريالىق جانە ارنايى ەكونوميكالىق ايماقتاردا ورنالاسقان وندىرۋشىلەر ءۇشىن سالىقتىق جانە ينفراقۇرىلىمدىق پرەفەرەنتسيالاردى قوسا العاندا، جەڭىلدىكتى شارتتار قولدانىلادى.

بۇگىنگى تاڭدا ەلىمىزدە 207 قازاقستاندىق تاۋار ءوندىرۋشى جۇمىس ىستەيدى، 2023 -جىلى ولاردىڭ 193- ءى بولدى، ولاردىڭ 43- ءى دارىلىك زاتتاردى وندىرۋگە، 164- ءى مەديتسينالىق بۇيىمداردى وندىرۋگە مامانداندىرىلعان.

ايتا كەتەلىك ءدارى-دارمەكتى ساراپتاۋ ۇلتتىق ورتالىعىنىڭ قىزمەتىنە تەكسەرىس جۇرەتىنى تۋرالى جازعان ەدىك.