قازاقستاندىق بانكتەر مەملەكەتكە قانشا قارجى قايتارۋى ءتيىس

استانا. KAZINFORM - ق ر قارجى نارىعىن رەتتەۋ جانە دامىتۋ اگەنتتىگى ەلىمىزدەگى ەكىنشى دەڭگەيلى بانكتەردىڭ بالانسىندا قانشا مەملەكەتتىك قاراجات بارىن ءمالىم ەتتى، دەپ حابارلايدى Kazinform اگەنتتىگىنىڭ ءتىلشىسى.

مالىمەتكە ساي، 2023 -جىلدان 2025 -جىلدىڭ مامىرىنا دەيىن ءتورت بانك جالپى سوماسى 409,6 ميلليارد تەڭگە كولەمىندە مەملەكەتتىك قولداۋ قاراجاتىن مەرزىمىنەن بۇرىن ءىشىنارا قايتاردى، سونىڭ ىشىندە:

• «قازاقستان حالىق بانكى» ا ق مەملەكەتكە 250 ميلليارد تەڭگە كولەمىندە قارجىنى قايتاردى (ونىڭ 68,4 ميلليارد تەڭگەسى 2023 -جىلى جانە 181,6 ميلليارد تەڭگەسى 2024 -جىلى)؛

• «Jusan Bank» ا ق 2024 -جىلى «سامۇرىق-قازىنادان» شىعارىلعان 100 ميلليارد تەڭگە كولەمىندەگى سۋبورديناتسيالىق وبليگاتسيالاردى مەرزىمىنەن بۇرىن ساتىپ الدى؛

• «Bank RBK» ا ق جانە «بانك سەنتركرەديت» ا ق جالپى سوماسى 59,6 ملرد تەڭگە كولەمىندە مەملەكەتتىك قاراجاتتى ءىشىنارا مەرزىمىنەن بۇرىن قايتاردى (ونىڭ ىشىندە Bank RBK — 29,6 ميلليارد تەڭگە جانە ب س ك - 30 ميلليارد تەڭگە).

قازىرگى ۋاقىتتا بەس بانكتىڭ بالانسىندا قارجىلىق تۇراقتىلىقتى قامتاماسىز ەتۋ جانە ساۋىقتىرۋ ماقساتىندا بەرىلگەن 1,4 تريلليون تەڭگە كولەمىندە مەملەكەتتىك قاراجات بار. ولار:

• «بانك سەنتركرەديت» ا ق - 30 ميلليارد تەڭگە؛

• «ەۋرازيالىق بانك» ا ق - 150 ميلليارد تەڭگە؛

• «Bank RBK» ا ق - 214,1 ميلليارد تەڭگە؛

• «Jusan Bank» ا ق — 1000,2 ميلليارد تەڭگە؛

• «Nurbank» ا ق - 46,8 ميلليارد تەڭگە.

ەستەرىڭىزگە سالا كەتەيىك، جاقىندا Jusan Bank-كە رەبرەندينگ جاسالىپ، Alatau City Bank دەپ اتالادى.

بانكتىڭ باسپا ءسوز قىزمەتى اتاۋ وزگەرىسى مەملەكەت الدىنداعى مىندەتتەمەلەرگە اسەر ەتپەيتىنىن راستادى.

سونداي-اق اگەنتتىكتەن اتاپ وتكەندەي، مەملەكەتتىك قولداۋ اياسىندا بولىنگەن قاراجات بانكتەرمەن جاسالعان كەلىسىمشارت تالاپتارىنا سايكەس قايتارىلادى.

Kazinform اگەنتتىگى بۇل قاراجاتتاردىڭ وتەۋ كەستەسىنە قاتىستى قازاقستاننىڭ ورنىقتىلىق قورىنا سۇراۋ سالدى. الايدا قور «بۇل اقپارات اشىق مالىمەتتەر ساناتىنا جاتپايتىنىن» ايتىپ، جاۋاپ بەرۋدەن باس تارتتى.

ەسكە سالا كەتەيىك، بۇعان دەيىن ۇلتتىق بانك 2017-2020 -جىلدارى «ق ر بانك سەكتورىنىڭ قارجىلىق تۇراقتىلىعىن ارتتىرۋ» باعدارلاماسى اياسىندا ەكىنشى دەڭگەيلى ءبىرقاتار بانككە شامامەن 700 ميلليارد تەڭگە كولەمىندە سۋبورديناتسيالانعان وبليگاتسيالىق قارىز بولگەنىن ءمالىم ەتتى.

سونداي-اق ۇلتتىق بانك باسشىسى تيمۋر سۇلەيمەنوۆ بانكتەر «بايتەرەك» ۇ ب ح مەن «سامۇرىق-قازىنا» ا ق ساتىپ العان وتە ۇزاق مەرزىمدى جانە وتە جەڭىلدەتىلگەن وبليگاتسيالار شىعارعانىن، جالپى مەملەكەتتىك كومەك كولەمى 1,4 تريلليون تەڭگە بولعانىن اتاپ ءوتتى.

اۆتور

ەربول جانات