قازاقستانداعى سۋپەركومپيۋتەرگە قاجەت چيپتەرگە قانشا قاراجات جۇمسالادى
استانا. KAZINFORM - الداعى 4 ايدا ەلىمىزگە سۋپەركومپيۋتەردى قۇرۋعا قاجەت Nvidia-نىڭ H200 چيپتەرى جەتكىزىلۋى مۇمكىن. بۇل تۋرالى سيفرلىق دامۋ، يننوۆاتسيالار جانە ايروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين ءمالىم ەتتى.
- بۇعان دەيىن ەلىمىزگە Nvidia-نىڭ العاشقى چيپتەرى جەتكىزىلگەنىن ايتقان ەدىك. بۇل چيپتەر سونشالىقتى قۋاتتى ەمەس. ەندى تاياۋدا H200 قۇرىلعىلارىن، ياعني سوڭعى بۋىندى چيپتەردى الىپ كەلۋدى جوسپارلاپ وتىرمىز. اتاپ ايتقاندا، الداعى 3-4 ايدا قازاقستان اۋماعىنا جەتكىزىپ، ورناتىلادى. ولاردىڭ سوماسى شامامەن 40-50 ميلليون ا ق ش دوللارىنا باعالاندى. جالپى، 64 كلاستەر قامتىلاتىنىن ەسكەرسەك، ايتارلىقتاي كوپ چيپ دەرەكتەردى وڭدەۋ ورتىلىعىمىزدىڭ بازاسىندا ورناتىلادى. بۇل رەتتە، قاۋىپسىزدىكتىڭ بارلىق تالابى ەسكەرىلەدى، - دەدى ق. تولەۋشين ەلوردادا پارلامەنت ءماجىلىسى جانىنداعى قوعامدىق پالاتانىڭ كوشپەلى وتىرىسىندا تىلشىلەر سۇراعىنا جاۋاپ بەرە وتىرىپ.
وسى ورايدا ا ق ش- تاعى جاۋاپتى ورگاندار ەلدەن وسى چيپتەردى قازاقستانعا ەكسپورتتاۋعا رۇقساتىن بەرگەن.
ونىڭ سوزىنە قاراعاندا، اتالعان چيپتەرگە جۇمسالعان قاراجات تەز ارادا ءوزىن اقتايدى. سەبەبى، قازىردىڭ وزىندە سۋپەركومپيۋتەردىڭ قۋاتىن جالعا الۋعا ءتيىستى ۇيىمدار تاپسىرىس بەرىپ جاتىر.
ەسكە سالساق، اتالعان زاڭ جوباسى بيىل ناۋرىز ايىندا ماجىلىستە تانىستىرىلعان ەدى.
زاڭ جوباسى جاساندى ينتەللەكت تەحنولوگيالارىن (جۇيەلەرىن) پايدالانۋدىڭ ءبىرىڭعاي قۇقىقتىق بازاسىن بەلگىلەۋگە باعىتتالعان.
بۇعان دەيىن قازاقستان قۋاتى كۇشتى سۋپەركومپيۋتەر قۇرۋعا كىرىسكەنىن جازعان ەدىك.
بىلتىر كۇزدە مينيسترلىك سۋپەركومپيۋتەر ءۇشىن جابدىققا امەريكا قۇراما شتاتتارىنا الدىن الا تاپسىرىس بەرگەنىن مالىمدەدى.
دەگەنمەن، قازاقستانعا جابدىقتى جەتكىزۋ مەرزىمى اقش ۇكىمەتىنىڭ قازاقستان رەسپۋبليكاسىنا چيپتەردى ەكسپورتتاۋ تۋرالى قورىتىندىسىن شىعارۋىنا بايلانىستى. امەريكالىق تاراپ ەكسپورت ليتسەنزياسىن الۋ پروتسەسى ۇزاققا سوزىلاتىنىن حابارلادى.
بيىل ءساۋىر ايىنىڭ باسىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ قازاقستانعا قۋاتى كۇشتى سۋپەركومپيۋتەر قۇرۋعا قاجەت جابدىقتار تاياۋ ارادا جەتكىزىلەتىنىن ايتتى.
سۋپەركومپيۋتەرگە قاجەت Nvidia-نىڭ العاشقى چيپتەرى قازاقستانعا جەتكىزىلدى.
اۆتور
رۋسلان عابباسوۆ
