قازاقستاندا ەكى پارتيانى تىركەۋگە رۇقسات بەرىلمەدى

استانا. KAZINFORM - قازاقستاندا تىركەۋ ساتىسىندا تۇرعان پارتيالار بار ما؟ بۇل سۇراققا ادىلەت ۆيتسە-ءمينيسترى بوتاگوز جاقسەلەكوۆا جاۋاپ بەردى.

«قازاقستاندا 7 ساياسي پارتيا تىركەلگەن. ءدال قازىر ادىلەت مينيسترلىگىندە قارالىپ جاتقان جاڭا ساياسي پارتيالاردىڭ وتىنىشتەرى جوق. ءبىراق بيىلعى جىلدىڭ باسىنان بەرى ادىلەت مينيسترلىگىنە ساياسي پارتيالار قۇرۋ تۋرالى ءۇش حابارلاما كەلىپ ءتۇستى. ولاردىڭ بارلىعى بەلگىلەنگەن تارتىپتە قارالدى. بىرەۋى قولداۋ تاپتى - Yntymaq پارتياسى. قالعان ەكەۋى بويىنشا قۇجاتتارى تولىق جينالماعان، سوندىقتان قابىلدانبادى»، - دەدى ب. جاقسەلەكوۆا سەناتتا وتكەن باسپا ءسوز ءماسليحاتىندا تىلشىلەر سۇراعىنا جاۋاپ بەرە وتىرىپ، ول سونداي-اق قاي پارتيالاردى تىركەۋگە رۇقسات بەرىلمەگەنىن ايتتى.

«بۇل تۇرعىدا «العا قازاقستان» مەن «حالىق دەربەستىگى» پارتيالارىنىڭ ءتىزىمى سايكەس كەلمەگەن. وسىنىڭ نەگىزىندە رۇقسات بەرىلمەدى»، - دەدى ۆيتسە- مينيستر.

اۆتور
رۋسلان عابباسوۆ