21:40, 04 - ناۋرىز 2025 | GMT +5
قازاقستاندا كارباميد پەن اممياك وندىرەتىن زاۋىت سالىنادى
استانا. قازاقپارات - ەلىمىزدە جىلىنا 700 مىڭ توننا كارباميد پەن 42 مىڭ توننا اممياك وندىرەتىن زاۋىت سالىنادى.
بۇل تۋرالى پرەمەر- مينيستر ولجاس بەكتەنوۆ پەن ESTA Construction كومپانياسىنىڭ باس ديرەكتورى مۇستافا توپراكتىڭ كەزدەسۋىندە ايتىلدى.
ۇكىمەت باسشىسى اتالعان كومپانيامەن ەكى اپتا ىشىندە قۇنى 1,35 ميلليارد دوللار بولاتىن ينۆەستيتسيالىق كەلىسىم جاساۋدى تاپسىردى. ينۆەستيتسيالىق جوبا ماڭعىستاۋ وبلىسى «قۇرىق» تەڭىز پورتى ماڭىندا ءىرى گاز-حيميا ءوندىرۋدى كوزدەيدى. بۇل سونداي-اق تىڭايتقىشتار يمپورتىنا تاۋەلدىلىكتى ازايتا تۇسەدى. قۇرىلىس باراسىندا 400 تۇراقتى جۇمىس ورنى اشىلادى دەگەن جوسپار بار.
ايتا كەتەيىك، ازىرگە قازاقستاندا تىڭايتقىشتىڭ اممياك سەليتراسى، امموفوس جانە اممونيي سۋلفاتى سىندى ءۇش ءتۇرى وندىرىلەدى.
