قازاقستاندا شارۋالاردى سۋبسيديالاۋ جۇيەسى جەتىلدىرىلدى

استانا. KAZINFORM – ق ر اۋىل شارۋاشىلىعى ءمينيسترى ايداربەك ساپاروۆ ەلىمىزدىڭ اگرارلىق سەكتورىن دامىتۋعا ىقپال ەتەتىن ماڭىزدى باستامالار مەن رەفورمالار تۋرالى ايتىپ بەردى.

ونىڭ ايتۋىنشا، نەگىزگى باعىتتاردىڭ ءبىرى - سۋبسيديالاۋ جۇيەسىن جەتىلدىرۋ. وسىلايشا، قارجى ينستيتۋتتارىنىڭ سىياقى مولشەرلەمەلەرىن جىلدىق «تازا» %5- بەن تىكەلەي سۋبسيديالاۋ تەتىگى ەنگىزىلدى.

وتاندىق اۋىل شارۋاشىلىعى تەحنيكاسىنىڭ جەڭىلدەتىلگەن ليزينگى باعدارلاماسى ىسكە قوسىلدى. قازىرگى ۋاقىتتا فەرمەرلەردىڭ وسى باعدارلاماعا قاتىسۋعا وتىنىمدەرى قارالۋدا.

«وتاندىق تىڭايتقىشتاردى اۆانستىق سۋبسيديالاۋ تەتىگى ەنگىزىلدى. وسى تەتىك اياسىندا سۋبسيديالار نورماسى %50- دان %60- عا دەيىن ۇلعايتىلدى. سۋ بەرۋ جونىندەگى قىزمەتتەردىڭ قۇنىن سۋبسيديالاۋ قاعيدالارىنا سۋ بەرۋشىلەرگە تىكەلەي شىعىنداردى وتەۋدى كوزدەيتىن وزگەرىستەر ەنگىزىلدى. سۋ ۇنەمدەۋ تەحنولوگيالارىن ەنگىزۋدى ىنتالاندىرۋ ءۇشىن جەرگىلىكتى بيۋدجەت قاراجاتى ەسەبىنەن ينۆەستيتسيالىق سۋبسيديالاۋ %50- دان %80- عا دەيىن ۇلعايتىلدى»، - دەدى ا. ساپاروۆ ۇكىمەتتىڭ بۇگىنگى وتىرىسىندا.

دالالىق جۇمىستاردى كرەديتتەۋدە كەپىلدىك جەتىسپەۋشىلىگىن شەشۋ ءۇشىن قارىز سوماسىنىڭ %85- نا پورتفەلدىك كەپىلدىك بەرۋ ەنگىزىلدى. بۇل كوپتەگەن فەرمەرلەرگە قاجەتتى قارجى رەسۋرستارىنا قول جەتكىزۋگە مۇمكىندىك بەرەدى.

سونىمەن بىرگە، الەۋمەتتىك- كاسىپكەرلىك كورپوراتسيالار ارقىلى ءىرى ونەركاسىپتىك ينۆەستيتسيالىق جوبالاردى ىسكە اسىرۋ بويىنشا س ق و تاجىريبەسىن تيراجداۋ جالعاسۋدا. 2024 -جىلدان باستاپ باعدارلاما اياسىندا تاۋارلىق ءسۇت فەرمالارىن، سۋارۋ، كوكونىس ساقتاۋ قويمالارى مەن قۇس فابريكالارىنان باسقا تاعى 8 باعىتتى قارجىلاندىرۋ كوزدەلگەن.

«اۋىل اماناتى» جوباسى بويىنشا 17 مىڭعا جۋىق شاعىن نەسيە بەرۋ جوسپارلانعان، بۇل ماقساتقا 2024 -جىلعا 100 ميلليارد تەڭگە قاراستىرىلعان. اۋىل شارۋاشىلىعى ونىمدەرى ءوندىرىسىن ەكى ەسە ارتتىرۋ ماقساتىندا ا و ك دامىتۋ تۇجىرىمداماسىن ىسكە اسىرۋ ءۇشىن قادامدىق جول كارتاسى بەكىتىلدى.

بۇدان باسقا، سۋ ۇنەمدەۋ تەحنولوگيالارىن قولدانا وتىرىپ، سۋارمالى جەرلەر الاڭىن جىلىنا 150 مىڭ گەكتارعا دەيىن ۇلعايتۋ مىندەتى تۇر. بۇگىنگى كۇنى 56,3 مىڭ گەكتار نەمەسە %37,3 جەر كەڭەيتىلگەن. مينيسترلىك مۇنداي تەحنولوگيالاردى ساتىپ الۋ كەزىندە شىعىنداردى سۋبسيديالاۋدى جەرگىلىكتى بيۋدجەت ەسەبىنەن %50- دان %80 - عا دەيىن ۇلعايتۋ بويىنشا جۇمىس جۇرگىزدى.

بۇعان دەيىن ا. ساپاروۆ بيداي، كۇرىش القاپتارى قىسقارىپ، مايلى داقىلدارعا باسىمدىق بەرىلگەنىن ايتقان ەدى.

اۆتور

ايجان سەرىكجان قىزى