قازاقستاندا بوسقىنداردى تىركەۋ ەرەجەسى وزگەردى
استانا. قازاقپارات - 2024 -جىلعى 20-ناۋرىزداعى ەڭبەك جانە حالىقتى الەۋمەتتىك قورعاۋ ءمينيسترى مىندەتىن اتقارۋشىنىڭ بۇيرىعىمەن بوسقىن مارتەبەسىن بەرۋ تۋرالى وتىنىشتەردى تىركەۋ جانە قاراۋ قاعيدالارىنا وزگەرىستەر ەنگىزىلدى.
ەرەجەنىڭ بىرنەشە تارماقتارى جاڭا رەداكتسيادا كورسەتىلگەن. وسىلايشا، پانا ىزدەۋشى ساۋالناما جۇرگىزگەننەن كەيىن ءوتىنىش تىركەلگەن كۇننەن باستاپ كۇنتىزبەلىك بەس كۇن ىشىندە ق ر ىشكى ىستەر ورگاندارىنىڭ بارلىق جازبالارىمەن، سونداي-اق باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قۇقىق قورعاۋ جانە ارنايى ورگانداردىڭ اقپارات الماسۋ جۇيەسىنىڭ حاتتامالارىمەن سايكەس تەكسەرىلەدى.
باسپانا ىزدەۋشى اتالعان ورگانداردىڭ حاتتامالارى بويىنشا تەكسەرىلگەننەن كەيىن ءوتىنىش بەرۋشىگە اۋرۋلارىنىڭ جوقتىعىنا كوز جەتكىزۋ ءۇشىن مىندەتتى مەديتسينالىق تەكسەرۋدەن وتۋگە جولداما بەرىلەدى. سونىمەن قاتار ساۋالناما ارقىلى اڭگىمەلەسۋ جۇرگىزىلەدى.
ەگەر مىندەتتى مەديتسينالىق كۋالاندىرۋدان ءوتۋ مەرزىمى ءوتىپ كەتسە، سونداي- اق پانا ىزدەۋشى اڭگىمەلەسۋگە كەلمەگەن جاعدايدا ەڭبەك جانە حالىقتى الەۋمەتتىك قورعاۋ مينيسترلىگى پانا ىزدەۋشى كورسەتكەن تۇرعىلىقتى مەكەنجايعا كەلمەۋ سەبەپتەرىن ءتۇسىندىرۋ ءۇشىن تاپسىرىس حات جىبەرەدى.
ءوتىنىشتى قاراۋ مەرزىمىن ۇزارتۋ ءۇشىن نەگىزدەر بولعان جاعدايدا مينيسترلىك تيىستى شەشىم قابىلدايدى. ول تۋرالى پانا سۇراۋشىعا ەكى جۇمىس كۇنى ىشىندە حابارلانادى.
پانا ىزدەۋشى ءوتىنىشتى قاراۋ مەرزىمىن ۇزارتۋ ءۇشىن بەس جۇمىس كۇنى ىشىندە ەڭبەك جانە حالىقتى الەۋمەتتىك قورعاۋ مينيسترلىگىنە كەلمەگەن جاعدايدا ءوتىنىشتى قاراۋ توقتاتىلادى.
اۆتور
ورالحان قوجانوۆ
