18:42, 16 - مامىر 2025 | GMT +5
قازاقستاندا اۆتوكولىكتى مەملەكەتتىك نومىرىمەن بىرگە ساتۋ مۇمكىندىگى بەرىلەدى
استانا. KAZINFORM - ەلىمىزدە اۆتوكولىكتى مەملەكەتتىك نومىرىمەن بىرگە ساتۋ مۇمكىندىك بەرەتىن تۇزەتۋلەر ازىرلەنىپ جاتىر.
بۇگىن پارلامەنت ءماجىلىسى جانىنداعى قوعامدىق پالاتا وتىرىسىنان كەيىن تىلشىلەر كولىكتى نومىرىمەن بىرگە ساتۋ نورماسى قاشان ەنگىزىلەتىنىن سۇرادى.
ءوز كەزەگىندە ق ر ىشكى ىستەر ءمينيسترىنىڭ ورىنباسارى يگور لەپەحا وسى ۇسىنىس پىسىقتالىپ جاتقانىن ايتتى.
- شىن مانىندە، رۇقسات بەرىلەدى. ەگەر مەن ءوزىمنىڭ كولىگىمدى سىزگە ساتقىم كەلسە، ونى نومىرمەن بىرگە بەرىپ جىبەرەمىن. وسىنداي مۇمكىندىك بەرىلمەك، - دەدى ءمينيستردىڭ ورىنباسارى.
بۇعان دەيىن قازاقستاندا ەڭ كوپ ساتىلعان اۆتوكولىك تۇرلەرىن جازعان ەدىك.
ەسكە سالساق، قازاقستاندا ەلەكتروساموكاتتارعا ءنومىر تاعۋ مىندەتتەلۋى مۇمكىن ەكەنى حابارلاندى.
اۆتور
رۋسلان عابباسوۆ
