قازاقستاندا اۋعان تاۋارلارىن ساتاتىن ساۋدا ءۇيى اشىلماق
الماتى. KAZINFORM - قازاقستان نارىعى اۋعان كاسىپكەرلەرى ءۇشىن اشىق بولعانىن قالايمىز. بۇل تۋرالى الماتىدا ءوتىپ جاتقان بيزنەس فورۋمى بارىسىندا اۋعانستاننىڭ ساۋدا جانە ونەركاسىپ ءمينيسترى نۋريددين ازيزي ايتتى.
اۋعانستاننىڭ ساۋدا جانە ونەركاسىپ ءمينيسترىنىڭ سوزىنشە، ەكى ەلدىڭ ەكونوميكالىق بايلانىسى اياسىندا ەلىمىزدە اۋعانستاندىق ساۋدا ءۇيى اشىلماق.
«ءبىز استانا قالاسىندا اۋعاندىق تاۋارلار ساتىلاتىن ساۋدا ءۇيىن اشۋدى جوسپارلاپ وتىرمىز. ودان كەيىن ءداستۇرلى كورمەلەر ۇيىمداستىرماقپىز. قازاقستاندىق نارىقتىڭ اۋعان كاسىپكەرلەرى ءۇشىن اشىق بولعانىن قالايمىز. وسىلايشا ەكى ەل اراسىنداعى ەكونوميكالىق بايلانىستى ارتتىرامىز»، - دەدى نۋريددين ازيزي.
بۇعان دەيىن قازاقستان مەن اۋعانستان اراسىنداعى ساۋدا اينالىم 330,7 ميلليون دوللارعا جەتكەنى تۋرالى جازعان ەدىك.
سونداي-اق اۋىل شارۋاشىلىعى ۆيتسە-ءمينيسترى ەربول تاسجۇرەكوۆ قازاقستان مەن اۋعانستان اۋىل شارۋاشىلىق تاۋار اينالىمىن 1 ميلليارد دوللارعا دەيىن ارتتىراتىنىن ايتقان بولاتىن.
اۆتور
الما مۇقانوۆا
