قازاقستان رەسەيمەن بىرلەسە باسقارعان ۋران كاسىپورنىن ءوز باقىلاۋىنا الدى
استانا. KAZINFORM - «سامۇرىق-قازىنا» ا ق «بۋدەنوۆسكوە» بىرلەسكەن كاسىپورنىن ءوز باقىلاۋىنا الدى. بۇل تۋرالى قوردىڭ KASE- دە جاريالاعان قارجىلىق ەسەبىندە جازىلعان.
قۇجاتتا كورسەتىلگەندەي، جارعى مەن ءونىمدى ءبولۋ تۋرالى كەلىسىمگە ءتيىستى وزگەرىستەر ەنگىزىلگەن. 2024 -جىلدىڭ باسىنان بەرى كاسىپورىندى باسقارۋ اياسىنداعى نەگىزگى شەشىمدەر كوپشىلىك داۋىسپەن قابىلدانىپ كەلگەن. بۇل رەتتە قازاقستاندىق تاراپتىڭ ۇلەسى رەسمي تۇردە بۇرىنعىداي - %51 مولشەرىندە قالدى.
ەسەپتە اكتيۆكە يەلىك ەتۋ ءۇشىن ەشقانداي قوسىمشا قارجى تولەنبەگەنى كورسەتىلگەن. سونىمەن قاتار، بۇرىنعى يەلىكتەگى ۇلەستى قايتا باعالاۋ ناتيجەسىندە قور 295,7 ميلليارد تەڭگە سوماسىندا ءبىرجولعى پايدا تاپقانىن مويىندادى، ال بۇل اكسيانىڭ باقىلاۋدى الۋ كەزىندەگى ءادىل قۇنى 302,9 ميلليارد تەڭگەنى قۇرادى.
كاسىپورىننىڭ اكتيۆتەرى مەن مىندەتتەمەلەرىنە تاۋەلسىز باعالاۋ جۇرگىزىلىپ، «بۋدەنوۆسكوە بك» ج ش س-نىڭ جالپى ءادىل قۇنى 707,1 ميلليارد تەڭگەگە دەيىن ءوستى. بۇل ءوسىمنىڭ باستى سەبەبى - جەر قويناۋىن پايدالانۋ قۇقىعىن قايتا باعالاۋ بولدى.
«بۋدەنوۆسكوە ب ك» ج ش س ستراتەگيالىق ماڭىزى بار اكتيۆ رەتىندە تانىلدى. وندا 114 مىڭ توننا ۋران قورى بار دەپ باعالانىپ وتىر. بۇل كورسەتكىش نىساندى وسى تەكتەس كەن ورىندارىنىڭ ىشىندە الدىڭعى ورىنعا شىعارادى.
ايتا كەتەيىك، قازاقستان مەن قىتاي ىلە ويپاتىنداعى ۋران كەنىشىن بىرلەسىپ بارلاماقشى.
اۆتور
ەربول جانات
