قازاقستان رەسپۋبليكاسى مەن تۇركيا رەسپۋبليكاسى اراسىندا بىرلەسكەن دەكلاراتسيا قابىلداندى
استانا. KAZINFORM - قاسىم-جومارت توقايەۆ پەن رەجەپ تاييپ ەردوعان جۇرگىزگەن كەلىسسوزدەرىنىڭ ناتيجەسىندە، جوعارى دەڭگەيدەگى ستراتەگيالىق ىنتىماقتاستىق كەڭەسى بەسىنشى وتىرىسىنىڭ قورىتىندىسى بويىنشا، سونداي-اق قازاقستان رەسپۋبليكاسى مەن تۇركيا رەسپۋبليكاسى اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسى بەسىنشى وتىرىسىنىڭ شەشىمىن جانە قازاقستان رەسپۋبليكاسى مەن تۇركيا رەسپۋبليكاسى اراسىندا بىرلەسكەن دەكلاراتسيا قابىلداندى.
مەملەكەت باسشىسىنىڭ انكاراعا رەسمي ساپارىنىڭ اياسىندا 18 ۇكىمەتارالىق جانە ۆەدومستۆوارالىق قۇجاتقا قول قويىلدى.
ەسكە سالا كەتەيىك، بۇعان دەيىن قازاقستان-تۇركيا جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ 5- وتىرىسى وتكەنىن جازعان ەدىك.
سونداي- اق اتالعان جيىندا مەملەكەت باسشىسى قاسىم-جومارت توقايەۆ ەلىمىز سەنىمدى سەرىكتەس رەتىندە تۇرىك ينۆەستورلارىن قولداۋعا ءارقاشان دايىن ەكەنىن ايتتى.
ودان بولەك قازاقستان- تۇركيا جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ 5- وتىرىسىندا تۋريزم سالاسىنداعى وڭ ءۇردىستى قولداۋ، سان قىرلى ەكىجاقتى بايلانىستاردى ىلگەرىلەتۋ ءۇشىن تۇركيا ازاماتتارىنا قازاقستان اۋماعىندا 90 كۇنگە دەيىن ۆيزاسىز جۇرۋگە رۇقسات بەرۋ تۋرالى شەشىم قابىلداندى.
