قازاقستان مەن كونگو قورعانىس سەكتورىندا ىنتىماقتاسۋعا نيەتتى
استانا. KAZINFORM - قازاقستان مەن كونگو اسكەري-ونەركاسىپ كەشەنى مەن قورعانىس سەكتورىندا ىنتىماقتاستىق ورناتۋعا نيەتتى. بۇل تۋرالى اقوردادا ونەركاسىپ جانە قۇرىلىس ءمينيسترى قانات شارلاپايەۆ ايتتى.
ونىڭ اتاپ وتۋىنشە، كونگو رەسپۋبليكاسىنىڭ پرەزيدەنتى دەني ساسسۋ- نگەسسونى قازاقستانعا رەسمي ساپارى اياسىندا ساۋىتتى ماشينالار جاسايتىن وتاندىق زاۋىتقا بارادى.
«بۇل - بارىنشا الدىڭعى قاتارلى ءوندىرىس وشاعى. ارينە، ءبىز اسكەري-ونەركاسىپ كەشەنى مەن قورعانىس سەكتورىنداعى كووپەراتسيانى ۇنەمى قولدايمىز. سوندىقتان دا وسى ماقساتتا اتالعان كاسىپورىندى جانە قازاقستاننىڭ اسكەري- ونەركاسىپ كەشەنى جۇمىسىنداعى مۇمكىندىكتەرىن كورسەتەمىز»، - دەدى قانات شارلاپايەۆ.
ايتا كەتەيىك، بۇگىن مەملەكەت باسشىسى قاسىم-جومارت توقايەۆ استاناعا رەسمي ساپارمەن كەلگەن كونگو رەسپۋبليكاسىنىڭ پرەزيدەنتى دەني ساسسۋ-نگەسسونى اقوردادا قارسى الدى.
اۆتور
مارلان جيەمباي
