قازاقستان مەن ا ق ش ۇشۋ قاۋىپسىزدىگىن الدىن الا باعالاۋ تۋرالى كەلىستى
استانا. KAZINFORM - قازاقستاننىڭ اۆياتسيالىق اكىمشىلىگى مەن ا ق ش فەدەرالدى اۆياتسيا اكىمشىلىگى اراسىندا ۇشۋ قاۋىپسىزدىگىن الدىن الا حالىقارالىق باعالاۋدى (IASA) جۇرگىزۋ تۋرالى كەلىسىمگە قول قويىلدى. بۇل تۋرالى ق ر كولىك مينيسترلىگىنىڭ باسپا ءسوز قىزمەتى مالىمدەدى.
مەملەكەت باسشىسىنىڭ قازاقستان مەن ا ق ش اراسىندا تىكەلەي اۋە قاتىناسىن ۇيىمداستىرۋ جونىندەگى تاپسىرماسىن جۇزەگە اسىرۋ شەڭبەرىندە قازاقستاننىڭ اۆياتسيالىق اكىمشىلىگى كولىك مينيسترلىگىنىڭ ازاماتتىق اۆياتسيا كوميتەتىمەن جانە قازاقستان رەسپۋبليكاسىنىڭ ا ق ش- تاعى ەلشىلىگىمەن بىرلەسە وتىرىپ ءارى ق ر سىرتقى ىستەر مينيسترلىگىنىڭ قولداۋىمەن ا ق ش فەدەرالدى اۆياتسيالىق اكىمشىلىگىمەن ۇشۋ قاۋىپسىزدىگى بويىنشا الدىن الا حالىقارالىق باعالاۋدى (IASA) وتكىزۋ تۋرالى كەلىسىمگە قول قويدى.
«قۇجاتتا ءوزارا اقپارات الماسۋ، تەحنيكالىق كومەك جانە الەۋەتتى ارتتىرۋ شارالارىن قوسا العاندا، IASA الدىن الا باعالاۋ پروتسەسىنە باعىتتالعان بىرلەسكەن تاسىلدەر قاراستىرىلعان. اتالعان كەلىسىم قازاقستاندا ۇشۋ قاۋىپسىزدىگىن قامتاماسىز ەتۋ دەڭگەيىن ارتتىرۋ بويىنشا قازاقستاننىڭ اۆياتسيالىق اكىمشىلىگى، ازاماتتىق اۆياتسيا كوميتەتى جانە فەدەرالدى اۆياتسيالىق اكىمشىلىگى اراسىنداعى ىنتىماقتاستىقتى كۇشەيتۋگە مۇمكىندىك بەرەدى دەپ كۇتىلەدى» - دەلىنگەن حابارلامادا.
ءمالىم بولعانداي، الدىن الا باعالاۋ شەڭبەرىندە IASA فەدەرالدى اۆياتسيالىق اكىمشىلىگى اۆياكومپانيالارى ۇشۋعا ءوتىنىش بەرگەن، ا ق ش- قا ۇشاتىن نەمەسە امەريكالىق اۋە كومپانيالارىنىڭ كودشەر بويىنشا كەلىسىمشارتىنا قاتىساتىن ەلدەردىڭ ازاماتتىق اۆياتسيا ورگاندارىنىڭ ي ك ا و- نىڭ ۇشۋ قاۋىپسىزدىگى جونىندەگى حالىقارالىق ستاندارتتارىن ساقتاۋىن باعالايدى.
IASA- نى الدىن الا باعالاۋ بۇدان ءارى فەدەرالدى اۆياتسيالىق اكىمشىلىگىنىڭ 1-ساناتتاعى مارتەبەسىن الۋعا باعىتتالعان جانە ءتيىستى اۋە كەمەلەرى بولعان كەزدە قازاقستان مەن ا ق ش اراسىنداعى وتاندىق اۋە كومپانيالارىنا تىكەلەي اۋە قاتىناسىن ىسكە قوسۋعا مۇمكىندىك بەرەدى.
كەلىسىم ق ر اۆياتسيا بيلىگىنىڭ ۇشۋ قاۋىپسىزدىگىنىڭ ەڭ جوعارى ستاندارتتارىن ساقتاۋعا ۇمتىلىسىن ايقىنداپ، قازاقستان مەن امەريكا قۇراما شتاتتارى اراسىنداعى بايلانىستار مەن ەكونوميكالىق مۇمكىندىكتەردى كەڭەيتۋگە ىقپال ەتەتىن بولادى.
اۆتور
باقىتگۇل اباي قىزى
