قازاقستان كومىر قورى بويىنشا الەمدەگى جەتەكشى 10 ەلدىڭ قاتارىنا كىرەدى
استانا. KAZINFORM - قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا كومىر ەنەرگەتيكاسىن دامىتۋ جانە كومىر گەنەراتسياسى جونىندەگى ۇلتتىق جوبانى جۇزەگە اسىرۋ ماسەلەلەرى قارالدى.
وندا ەنەرگەتيكا ءمينيسترى ەرلان اقكەنجەنوۆ، «سامۇرىق-ەنەرگو» ا ق باسقارما ءتوراعاسى قايرات ماقسۇتوۆ، قاراعاندى جانە پاۆلودار، اباي وبلىستارىنىڭ باسشىلارى، سونداي-اق «بوگاتىر كومىر» جانە «Qarmet» كومىر ءوندىرۋ كاسىپورىندارىنىڭ وكىلدەرى بايانداما جاسادى.
- مەملەكەت باسشىسى ۇلتتىق قۇرىلتايدا كومىر ەنەرگەتيكاسىن دامىتۋدىڭ ماڭىزدىلىعىنا توقتالىپ، كومىرمەن قۋات ءوندىرۋ ءىسى بويىنشا ۇلتتىق جوبا قابىلداۋدى تاپسىردى. جوبا اياسىندا 5 جىل ىشىندە جاڭا ستانسا سالۋ جانە قولدانىستاعى 11 ستانسانى جاڭعىرتۋ ەسەبىنەن 8 گۆت قوسىمشا ەنەرگيا قۋاتىن الۋ كوزدەلىپ وتىر. كومىر ونەركاسىبى جانە كومىر ستانسالارىندا ەلەكتر ەنەرگياسىن ءوندىرۋ وتاندىق وتىن- ەنەرگەتيكالىق كەشەننىڭ نەگىزگى سالالارى سانالادى. ولار ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتەدى. مەملەكەت باسشىسى ەل ەكونوميكاسىندا كومىرمەن قۋات ءوندىرۋ ءىسىنىڭ ماڭىزىن ءاردايىم اتاپ ءوتىپ، سالانى ودان ءارى دامىتۋ ءۇشىن ءبىرقاتار باعىتتاردى ايقىنداپ بەردى. كومىر قورى بويىنشا ءبىز الەمدەگى جەتەكشى 10 ەلدىڭ قاتارىنا كىرەمىز. بۇل - ءبىزدىڭ ەلەۋلى باسەكەلىك ارتىقشىلىعىمىز، ونى ءتيىمدى پايدالانۋىمىز كەرەك، - دەپ اتاپ ءوتتى ولجاس بەكتەنوۆ.
