«قازاقستان - ب ا ءا» بيزنەس-فورۋمىندا ءبىرقاتار كەلىسىمگە قول قويىلدى

استانا. KAZINFORM - مەملەكەت باسشىسى قاسىم-جومارت توقايەۆ پەن ابۋ ءدابيدىڭ تاق مۇراگەرى شەيح حالەد بەن مۇحاممەد بەن زايد ءال ناحايان «قازاقستان - ب ا ءا» بيزنەس- فورۋمىنىڭ جابىلۋ سالتاناتىنا قاتىستى. بۇل تۋرالى اقوردانىڭ باسپا ءسوز قىزمەتى حابارلادى.

قول قويىلعان كوممەرتسيالىق قۇجاتتاردىڭ جالپى سوماسى 5 ميلليارد دوللارعا جۋىق. بۇل ەكونوميكانىڭ نەگىزگى سەكتورلارىن قامتيدى. قازاقستانعا 4,3 ميلليارد دوللاردان استام ينۆەستيتسيا قۇيعان ب ا ءا - ەلىمىزدىڭ شىعاناق ايماعىنداعى جەتەكشى ساۋدا جانە ينۆەستيتسيالىق سەرىكتەسى.

Фото: Ақорда

- ەنەرگەتيكا، لوگيستيكا، قارجى، ينتەللەكتۋالدى تەحنولوگيالار، اۋىل شارۋاشىلىعى جانە تاعى دا باسقا ءتۇرلى سالادا ىنتىماقتاستىعىمىزدى كەڭەيتۋگە مۇمكىندىك مول. Masdar ،Presight ،Abu Dhabi Ports ،Terminal Holdings جانە Abu Dhabi Ports Group سەكىلدى سەرىكتەستەرىمىزبەن بىرگە جۇزەگە اسىرىپ جاتقان ماڭىزدى جوبالار ءوزارا ىقپالداستىقتىڭ قارقىن الا تۇسكەنىنە ايقىن دالەل. وسى جانە باسقا دا باستامالار ەكىجاقتى قارىم-قاتىناستىڭ دايەكتى ءارى ءتيىمدى دامىپ كەلە جاتقانىن كورسەتەدى، - دەدى پرەزيدەنت.

بيزنەس فورۋم اياسىندا سيفرلىق تەحنولوگيا دامۋىنا، قارجى، ۋربانيستيكا جانە «جاسىل» ەكونوميكا سالالارىنداعى زاماناۋي ترەندتەرگە ارنالعان تاقىرىپتىق سەسسيالار ۇيىمداستىرىلدى.

ەكى ەلدىڭ بيزنەس وكىلدەرى B2B فورماتىندا كەزدەسۋلەر وتكىزدى. فورۋمعا امىرلىكتەردەن ابۋ دابي ەكونوميكالىق دامۋ دەپارتامەنتىنىڭ، ب ا ءا ساۋدا-ونەركاسىپ پالاتالارىنىڭ، سونداي-اق Masdar ،AMEA Power ،Abu Dhabi Ports Group جانە تاعى دا باسقا ءىرى كومپانيالاردىڭ وكىلدەرى قاتىستى.

«قازاقستان - ب ا ءا» بيزنەس-فورۋمىندا مىناداي كوممەرتسيالىق كەلىسىمدەرگە قول قويىلدى:

1. قازاقستان رەسپۋبليكاسى اۋىل شارۋاشىلىعى مينيسترلىگى مەن QazaqArab Sugar ج ش س اراسىندا قازاقستاندا قانت زاۋىتىنىڭ قۇرىلىسى جوباسى بويىنشا ينۆەستيتسيالار جونىندەگى كەلىسىم؛

2. قازاقستان رەسپۋبليكاسى سيفرلىق دامۋ، يننوۆاتسيالار جانە ايروعارىش ونەركاسىبى مينيسترلىگى، استانا قالاسى اكىمدىگى مەن Presight كومپانياسى اراسىندا مالىمەتتەردى وڭدەۋ ورتالىعىنىڭ قۇرىلىسى بويىنشا مەموراندۋم؛

3. استانا قالاسى ءبىلىم باسقارماسى مەن Emirates Kazakhstan Education Investment Group اراسىنداعى ىنتىماقتاستىق تۋرالى مەموراندۋم؛

4. «استانا» حالىقارالىق قارجى ورتالىعى مەن Abu Dhabi Global Market اراسىندا مالىمەتتەردى قورعاۋ سالاسىنداعى ىنتىماقتاستىق جونىندەگى مەموراندۋم؛

5. «ق م گ ينجيرينگ» ج ش س مەن AIQ اراسىندا ءبىلىم الماسۋ جانە AIQ شەشىمدەرىن ازىرلەۋگە ارنالعان ستراتەگيالىق ىنتىماقتاستىق جونىندەگى كەلىسىم؛

6. «اتامەكەن» ۇ ك پ قازاقستاننىڭ سىرتقى ساۋدا پالاتاسى مەن Khalifa Economic Zones Abu Dhabi اراسىنداعى ىنتىماقتاستىق تۋرالى مەموراندۋم؛

7. Semurg Invest ج ش س مەن Abu Dhabi Ports Group اراسىندا «قۇرىق» كوپ ماقساتتى تەرمينالىنىڭ قۇرىلىسى جانە ونى دامىتۋ قاعيداتتارى جونىندەگى كەلىسىم؛

8. «اقتاۋ تەڭىز پورتى» ارنايى ەكونوميكالىق ايماعى اق مەن Khalifa Economic Zones Abu Dhabi اراسىنداعى ىنتىماقتاستىق تۋرالى مەموراندۋم؛

9. «Alel Agro» ا ق مەن LULU Group اراسىندا اگرو ازىق-تۇلىك ونىمدەرىنىڭ ساۋداسىن ىلگەرىلەتۋ جانە ساتىپ الۋ سالاسىنداعى ءوزارا تۇسىنىستىك تۋرالى مەموراندۋم.

ايتا كەتەيىك، مەملەكەت باسشىسى ابۋ دابيدىڭ تاق مۇراگەرى حالەد بەن مۇحاممەد ءال ناحايانمەن كەلىسسوز جۇرگىزدى.

قازاقستان پرەزيدەنتى مەن ابۋ دابيدىڭ تاق مۇراگەرى شەيح حاليف بەن زايد ءال ناحايان اتىنداعى №84 مەكتەپ- ليتسەيگە باردى.

اۆتور

ەلميرا ورالبايەۆا