10:05, 31 - تامىز 2024 | GMT +6
قاسىم-جومارت توقايەۆ سادىر جاپاروۆتى جانە قىرعىزستان حالقىن تاۋەلسىزدىك كۇنىمەن قۇتتىقتادى
استانا. KAZINFORM - مەملەكەت باسشىسى قىرعىزستان پرەزيدەنتىنە قۇتتىقتاۋ جەدەلحاتىن جولدادى، دەپ حابارلادى اقوردانىڭ باسپا ءسوز قىزمەتى.
قاسىم-جومارت توقايەۆ سادىر جاپاروۆتى جانە قىرعىزستان حالقىن تاۋەلسىزدىك كۇنىمەن قۇتتىقتادى.
مەملەكەت باسشىسى ءوزىنىڭ قۇتتىقتاۋ جەدەلحاتىندا ەگەمەندى قىرعىز رەسپۋبليكاسىنىڭ تاريحىنداعى بۇل ايتۋلى كۇن ەلدىڭ مەملەكەتتىلىگىن ودان ءارى نىعايتۋعا جانە ءوسىپ-وركەندەۋىنە بەرىك نەگىز قالاعانىن اتاپ ءوتتى. سونداي-اق پرەزيدەنت ستراتەگيالىق سەرىكتەستىك پەن وداقتاستىق رۋحىنا تولىق ساي كەلەتىن قازاق- قىرعىز ىنتىماقتاستىعىنىڭ دامۋىنا جوعارى باعا بەردى.
قاسىم-جومارت توقايەۆ سادىر جاپاروۆتىڭ جاۋاپتى مەملەكەتتىك قىزمەتىنە تابىس، ال باۋىرلاس قىرعىز حالقىنا باق-بەرەكە تىلەدى.
