قاسىم-جومارت توقايەۆ بريكس سامميتىنە قاتىسۋ ءۇشىن ءۇندىستانعا بارادى

پرەزيدەنت نيۋ-دەليدە «ورنىقتىلىقتى، يننوۆاتسيانى، ىنتىماقتاستىق پەن تۇراقتىلىقتى نىعايتۋ» تاقىرىبىنا ارنالعان «اۋتريچ» /«بريكس+» فورماتىنداعى پلەنارلىق وتىرىستا ءسوز سويلەيدى.

ساپار اياسىندا ءۇندىستان پرەمەر-ءمينيسترى نارەندرا موديمەن كەلىسسوز جۇرگىزۋ، سونداي-اق ءبىرقاتار مەملەكەت جانە ۇكىمەت باسشىلارىمەن كەزدەسۋ جوسپارلانعان.

14-16-قىركۇيەكتە مەملەكەت باسشىسى قاسىم-جومارت توقايەۆ پرەزيدەنت لي چجە ميەڭنىڭ شاقىرۋىمەن كورەيا رەسپۋبليكاسىنا مەملەكەتتىك ساپارمەن بارادى.

15 -قىركۇيەكتە سەۋلدە جوعارى دەڭگەيدە كەلىسسوزدەر جۇرگىزىلىپ، قازاق-كورەي كەڭەيتىلگەن ستراتەگيالىق سەرىكتەستىگىن نىعايتۋ پەرسپەكتيۆاسى تالقىلانادى. بۇدان بولەك، پرەزيدەنت كورەيانىڭ ءىرى كومپانيالارى جەتەكشىلەرىمەن كەزدەسەدى.

16-قىركۇيەكتە مەملەكەت باسشىسى «ورتالىق ازيا - كورەيا رەسپۋبليكاسى» ءبىرىنشى سامميتىنە قاتىسادى.

ايتا كەتەيىك، وسىعان دەيىن قازاقستان مەن ءۇندىستان بريكس اياسىنداعى ىنتىماقتاستىقتى كەڭەيتۋدى تالقىلاعان بولاتىن.