قانات بوزىمبايەۆ سۋ تاسقىنىنان زارداپ شەككەندەرگە تولەنگەن وتەماقى سوماسىن اتادى

استانا. KAZINFORM - بۇگىن ۇكىمەت وتىرىسىندا پرەمەر-ءمينيستردىڭ ورىنباسارى قانات بوزىمبايەۆ سۋ تاسقىنىنان زارداپ شەككەندەرگە تولەنگەن وتەماقى سوماسىن اتادى.

«بۇگىنگى تاڭدا 20600 وتباسى 100 ايلىق ەسەپتىك كورسەتكىش مولشەرىندە ءبىرجولعى تولەم الدى. تولەنگەن قاراجاتتىڭ جالپى سوماسى - 7,5 ميلليارد تەڭگە. 680 وتباسى كەلتىرىلگەن ماتەريالدىق شىعىن ءۇشىن 362 ميلليون تەڭگە سوماسىندا وتەماقى الدى»، - دەدى قانات بوزىمبايەۆ.

ۆيتسە-پرەمەردىڭ دەرەگىنشە، 568 وتباسى تۇرعىن ءۇيدى جوندەۋگە جانە قالپىنا كەلتىرۋگە 710 ميلليون تەڭگە سوماسىندا وتەماقى الىپ ۇلگەردى.

«وڭىرلەردە زالالدى باعالاۋ جانە ونى وتەۋ جۇمىستارى جالعاسىپ جاتىر. جاعداي تۇراقتى باقىلاۋدا»، - دەدى ول.

اۆتور

مارلان جيەمباي