قانات بوزىمبايەۆ ۇكىمەت جانىنان الاتاۋ قالاسىن دامىتۋ جونىندەگى جوبالىق كەڭسەسىن قۇرۋدى تاپسىردى
استانا. KAZINFORM - پرەمەر-ءمينيستردىڭ ورىنباسارى قانات بوزىمبايەۆ ۇلتتىق ەكونوميكا، اۋىل شارۋاشىلىعى ۆيتسە- مينيسترلەرىنىڭ، قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى باسشىلىعىنىڭ، «Alatau» ارنايى ەكونوميكالىق ايماعىنىڭ، جەرگىلىكتى اتقارۋشى ورگانداردىڭ، سونداي-اق ءىرى ينۆەستورلاردىڭ قاتىسۋىمەن الاتاۋ قالاسىن دامىتۋ ماسەلەلەرى بويىنشا كوشپەلى كەڭەس وتكىزدى.
جيىندا تۇرعىن ءۇي-كوممۋنالدىق شارۋاشىلىق، اۆتوموبيل جولدارى، دەنساۋلىق ساقتاۋ، ءبىلىم بەرۋ جانە سپورت نىساندارىن سالۋ ماسەلەلەرى تالقىلاندى. ايتا كەتەيىك، الاتاۋدىڭ قۇرامىنا 12 ەلدى مەكەن كىردى. قالانىڭ باس جوسپارى بەكىتىلدى، ورتالىق مەملەكەتتىك ورگانداردىڭ اۋماقتىق ورگاندارى قۇرىلدى. قالانىڭ جالپى اۋدانى - 88 مىڭ گەكتار، حالقى شامامەن 54 مىڭ ادام.
الاتاۋ اكىمى اركەن وتەنوۆ بۇگىنگى كۇنى قالادا لوگيستيكا، مەديتسينا جانە تاماق ونىمدەرىن ءوندىرۋ سالاسىنداعى جوبالار ىسكە اسىرىلىپ جاتقانىن باياندادى. 6 مىڭنان استام جۇمىس ورنىن قۇرا وتىرىپ، 12 ينۆەستيتسيالىق جوبا ءۇشىن جەر ۋچاسكەلەرىن ارنايى ەكونوميكالىق ايماقتىڭ قاراماعىنا بەرۋ جوسپارلانىپ وتىر. سونداي-اق، نەگىزگى «ماڭىزدى» جوبالار ورنالاساتىن 5,8 مىڭ گ ا اۋماق انىقتالدى. الايدا ولاردى قۇرۋ جانە ولارعا ينۆەستورلاردى تارتۋ ءۇشىن ءبىرقاتار راسىمدەردىڭ مەرزىمدەرىن قىسقارتۋ قاجەت.
قانات بوزىمبايەۆ باياندامالاردى تىڭداپ، الاتاۋدىڭ دامۋى مەملەكەت باسشىسىنىڭ ەرەكشە باقىلاۋىندا ەكەنىن اتاپ ءوتىپ، مينيسترلىكتەردىڭ، جەرگىلىكتى اتقارۋشى ورگاندار مەن كاسىپكەرلەردىڭ قاتىسۋىمەن ۇكىمەت جانىنان جوبالىق كەڭسە قۇرۋدى تاپسىردى. ول الاتاۋدىڭ ءومىر تىنىسى مەن جۇمىس ءۇشىن ينۆەستيتسيالاردى تارتۋعا جاعداي جاساۋ بويىنشا ماسەلەلەردى جۇيەلى نەگىزدە شەشەتىن بولادى.
ۆيتسە-پرەمەر جوبالاۋ- سمەتالىق قۇجاتتامانى، سالالىق ينفراقۇرىلىمدىق سحەمالاردى ازىرلەۋدى جەدەلدەتۋدى تاپسىردى. 10 جۇمىس كۇنى ىشىندە اكىمدىك ينۆەستورلاردى تارتا وتىرىپ، دامۋ جوبالارىن (زاۋىتتار، فابريكالار، الەۋمەتتىك جانە وبەكتىلەر) انىقتاپ، كەلەسى جىلى ولاردى قاجەتتى ينجەنەرلىك-كوممۋنيكاتسيالىق ينفراقۇرىلىممەن قامتاماسىز ەتۋى قاجەت.
اۆتور
ەلميرا ورالبايەۆا
