قاشاعان مەردىگەرلەرىنىڭ سوتى ينۆەستيتسيالىق كليماتقا قالاي اسەر ەتىپ جاتىر - س ءى م جاۋابى

استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ باسپا ءسوز ءماسليحاتىندا قاشاعان ينۆەستيتسيالىق جوباسىنىڭ مەردىگەرلەرى مەن قازاقستان ۇكىمەتىنىڭ اراسىنداعى سوت ەلدىڭ ينۆەستيتسيالىق كليماتىنا قالاي اسەر ەتىپ جاتقانىن ءمالىم ەتتى.

Қашаған
Фото: facebook.com/ncoc.kz

«ينۆەتسورلارمەن جۇمىس ىستەپ جاتىرمىز. ينۆەستيتسيالار اعىنى قىسقارىپ جاتقان جوق. بۇل ۇلكەن كومپانيالار، سوندىقتان ءبارى زاڭ اياسىنداعى دۇنيەنى تۇسىنەدى. ولار الەمدىك دەڭگەيدەگى ءىرى كومپانيالار، ءبارىن زاڭ اياسىندا ورىندايدى»، - دەدى رەسمي وكىل.

ەسكە سالايىق، قازاقستان ۇكىمەتى قاشاعان اكسيونەرلەرىنەن جوبانىڭ وندىرىستىك كەستەسىن ونداعان جىلعا كەشىكتىرگەنى ءۇشىن 150 ميلليارد دوللار تالاپ ەتىپ وتىر.

ەنەرگەتيكا ءمينيسترى الماسادام ساتقاليەۆ بۇل سوتتى «تازا كوممەرتسيالىق داۋ» دەپ باعالاعان بولاتىن.

اۆتور

ەسىمجان ناقتىباي

سوڭعى جاڭالىقتار