19:55, 27 - قىركۇيەك 2024 | GMT +6
مەملەكەت باسشىسى تىگىن فابريكاسىندا بولدى
تۇركىستان. KAZINFORM - پرەزيدەنت ورداباسى اۋدانىندا «JNRAY Group» سەرىكتەستىگى بيىل ىسكە قوسقان تىگىن فابريكاسىنىڭ جۇمىسىمەن تانىستى.
اۋماعى 6 مىڭ شارشى مەتر بولاتىن جەڭىل ونەركاسىپ نىسانىن اشۋعا مەملەكەتتىك يندۋستريالاندىرۋ باعدارلاماسى اياسىندا 1,4 ميلليارد تەڭگە كولەمىندە قارجىلاي قولداۋ كورسەتىلگەن.
قاسىم-جومارت توقايەۆقا فابريكادا كيىم-كەشەك، توسەك جابدىقتارى جانە ارنايى كيىم تۇرلەرى شىعارىلاتىنى جونىندە مالىمەت بەرىلدى.
بۇگىندە كاسىپورىندا 300 ادام جۇمىس ىستەيدى. كەلەشەكتە ءونىم تۇرلەرىن كوبەيتىپ، تىگىنشىلەر سانىن 500-گە دەيىن جەتكىزۋ جوسپارلانعان.
قاجەتتى شيكىزات كورشىلەس وزبەكستان مەن قىرعىزستان ەلدەرىنەن جەتكىزىلەدى.
مەملەكەت باسشىسى تىگىن سەحىن ارالاپ كورىپ، ءونىم ۇلگىلەرىمەن تانىستى.
