10:25, 09 - مامىر 2025 | GMT +5
مەملەكەت باسشىسى ريم پاپاسىنا قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ ريم پاپاسى XIV ليەۆتى قازاقستان حالقىنىڭ اتىنان قۇتتىقتادى. بۇل تۋرالى اقوردا ءمالىم ەتتى.
- ءسىزدى كيەلى تاق يەسى ەتىپ سايلاۋ ارقىلى كاتوليك شىركەۋى حالىقارالىق احۋال كۇردەلى كەزەڭدە بەيبىتشىلىك پەن تۇراقتىلىقتى دارىپتەۋ ىسىندە ماڭىزدى ءرول اتقارا بەرەتىنىنە سەنىمدىمىن، - دەپ جازىلعان جەدەلحاتتا.
پرەزيدەنت ءارتۇرلى ءدىني نانىم وكىلدەرى مەكەن ەتەتىن قازاقستانعا ريم پاپاسى ەكى مارتە ساپارمەن كەلگەنىنە نازار اۋدارىپ، حالىقتار دوستىعىن، ءدىنارالىق سەنىم مەن ىنتىماقتى نىعايتۋعا باعىتتالعان ورتاق كۇش-جىگەردى ەلىمىزدىڭ ءاردايىم قولدايتىنىن جەتكىزدى.
ەسكە سالا كەتەيىك، جاڭا ريم پاپاسى بولىپ روبەرت پريەۆو سايلاندى.
