مەملەكەت باسشىسى قاسىم-جومارت توقايەۆتىڭ تۋعان كۇنىنە وراي قۇتتىقتاۋ حاتتارى كەلىپ ءتۇستى
استانا. KAZINFORM- پرەزيدەنت قاسىم-جومارت توقايەۆتىڭ تۋعان كۇنىنە وراي شەت مەملەكەتتەر مەن ۇكىمەتتەر باسشىلارىنان، پارلامەنتتەر سپيكەرلەرىنەن، حالىقارالىق ۇيىمدار مەن ديپلوماتيالىق ميسسيالار وكىلدەرىنەن قۇتتىقتاۋلار مەن جەدەلحاتتار كەلىپ جاتىر.
بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسىنىڭ اتىنا رەسەي پرەزيدەنتى ۆلاديمير پۋتين، ق ح ر ءتوراعاسى شي جينپيڭ، تۇركيا پرەزيدەنتى رەجەپ تاييپ ەردوعان، وزبەكستان پرەزيدەنتى شاۆكات ميرزييەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ، ازەربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، يتاليا پرەزيدەنتى سەردجو ماتتارەللا، مولدوۆا پرەزيدەنتى مايا ساندۋ، سلوۆاكيا پرەزيدەنتى پەتەر پەللەگريني، ماجارستان پرەمەر-ءمينيسترى ۆيكتور وربان، ارمەنيا پرەمەر-ءمينيسترى نيكول پاشينيان، رەسەي فەدەرالدى جينالىسى فەدەراتسيا كەڭەسىنىڭ ءتورايىمى ۆالەنتينا ماتۆيەنكو، تاتارستان رايسى رۋستام ميننيحانوۆ، ت م د باس حاتشىسى سەرگەي لەبەديەۆ، ماسكەۋ جانە بۇكىل رەسەي پاتريارحى كيريلل جانە تاعى دا باسقا تۇلعالار قۇتتىقتاۋ جەدەلحاتتارىن جولدادى.
سونىمەن قاتار ەلىمىزدىڭ ازاماتتارى، قازاقستاننىڭ كورنەكتى ساياسي جانە قوعام قايراتكەرلەرى، زيالى قاۋىم وكىلدەرى جۇرەكجاردى لەبىزدەرىن جەتكىزدى.
- قۇتتىقتاۋ حاتتارى مەن جەدەلحاتتار ءالى دە كەلىپ تۇسۋدە، - دەلىنگەن حابارلامادا.
وسىعان دەيىن پرەزيدەنتتىڭ ءبىرقاتار مەملەكەتتىڭ باسشىلارىمەن تەلەفون ارقىلى سويلەسكەنى تۋرالى جازدىق.
